काठमाडौं । नेपाली घरेलु फुटबलका स्टार स्ट्राइकर नाइजेरियन फुटबलर अफिज ओलावाले ओलाडिपोले दोस्रो सिजनको नेपाल सुपर लिग(एनएसएल) पनि धनगढी एफसीबाटै खेल्नुहुने भएको छ । पहिलो संस्करणमा धनगढीबाट खेल्दै उहाँले चार गोल गर्नुभएको थियो । उहाँको सानदार प्रदर्शन मद्दतमा धनगढी फाइनलमा पुगेको थियो । फाइनलमा भने उहाँ घाइते भएपछि धनगढीलाई ठूलो झट्का लागेको थियो ।
एनएसएलको दोस्रो सिजनका लागि पनि धनगढीले मंगलबार उहाँलाई अनुबन्ध गरेको हो । अफिजले गत सिजनको लिग मच्छिन्द्र फुटबल क्लबबाट खेल्नुभएको थियो । उहाँले थ्रीस्टार, मनाङ, संकटा, मच्छिन्द्रजस्ता क्लबबाट खेल्दै आफूलाई स्टार प्रमाणित गरिसक्नुभएको छ ।
ग्रो ड्रिमर्सको स्वामित्वमा रहेको धनगढीको मार्की खेलाडीमा नेपाली राष्ट्रिय टिमका प्रतिभावान मिडफिल्डर आशिष चौधरी रहनुभएको छ । आशिषले शहीद स्मारक लिग ‘ए’ डिभिजन लिगमा चर्च ब्वाइज युनाइटेडबाट खेल्दै टोलीलाई लिगको उत्कृष्ट बनाउन महŒवपूर्ण भूमिका निर्वाह गर्नुभएको थियो ।
यस्तै, अक्सनबाट धनगढी एफसीले साइमन लिम्बू, निशान लिम्बू, मिलन राई, सुरेश कुमाल, रन्दीप पौडेल, मनोज राई, कमल श्रेष्ठ, टेकेन्द्र सिंह थापा, देवेन्द्र तामाङ, हेमन्त श्रेष्ठ, अभिषेक गुरुङ, कृतिशरत्न छुन्जु र रामचन्द्र वाजीलाईं अनुबन्ध गरिसकेको छ ।
प्रशिक्षकमा भने धनगढी एफसीले युगलकिशोर राईंलाई निरन्तरता दिएको छ । नेपाल सुपर लिगको दोस्रो संस्करण आगामी मंसिर ८ देखि पुस २१ गतेसम्म काठमाडौंको दशरथ रंगशालामा हुँदैछ । धनगढी एफसीले आफ्नो पहिलो खेल आगामी नोभेम्बर २६ तारिखमा वीरगञ्ज युनाइटेडसँग खेल्ने तालिका छ ।
यस्तै, काठमाडौं रेजर्सले बालगोपाल महर्जनलाई प्रशिक्षकमा निरन्तरता दिएको छ । महर्जनकै प्रशिक्षणमा गत सिजन काठमाडौंले उपाधि उचालेको थियो भने यो सिजन चर्च ब्वाइज युनाइटेडले शहीद स्मारक ‘ए’ डिभिजन लिगको उपाधि जितेको थियो ।
नेपाली राष्ट्रिय टोलीलाई बंगबन्धु गोल्ड कप, थ्री नेसन्स कप जिताउनुभएका महर्जनले यू-२३ लाई १३ औँ दक्षिण एसियाली खेलकुद (साग) को फुटबलमा स्वर्ण र यू-१९ लाई साफ च्याम्पियनसिपको उपाधि दिलाउनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच