काठमाडौं । रेडिअन्ट पब्लिक बोर्डिङ स्कुलको आयोजनामा नवौँ रेडिअन्ट कप अन्तरविद्यालय बास्केटबल प्रतियोगिता आज (बिहीबार)देखि हुने भएको छ । प्रतियोगितामा विभिन्न विद्यालयका जम्मा ४८ टिमको सहभागिता रहने बुधबार आयोजित पत्रकार सम्मेलनमा रेडिअन्टका प्रिन्सिपल सूर्यबहादुर केसीले जानकारी गराउनुभयो ।
सिनियर ब्वाइजमा २४ तथा जुनियर ब्वाइज र सिनियर गल्र्समा समान १२-१२ टिम सहभागी हुनेछन् । सिनियरलाई आठ समूह तथा बाँकी दुई टिमलाई चार समूहमा विभाजन गरी खेल खेलाइनेछ ।
प्रतियोगिता सञ्चालन गर्न करिब चार लाख रुपैयाँ खर्च हुने रेडिअन्टकी भाइस प्रिन्सिपल शुभद्रा कुँवरले जानकारी दिनुभयो । सिनियर ब्वाइज र गल्र्समा निम्स तथा जुनियर ब्वाइजमा युनिक डिफेन्डिङ च्याम्पियन छन् । तीनै टिमको यो संस्करणमा सहभागिता छैन ।
पत्रकार सम्मेलनमा रेडिअन्टका इसिए इन्चार्ज दिलिप कार्की र लेभल इन्चार्ज विनोद कार्कीले प्रतियोगिताको विविध पक्षबारे जानकारी गराउनुभयो । मंसिर १५ गतेसम्म चल्ने प्रतियोगिताका खेलहरू स्युचाटारस्थित आयोजककै कोर्टमा खेलाइनेछ । पहिलो दिन १० खेल हुने रेडिअन्टका बास्केटबल प्रशिक्षक आशिष महर्जनले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच