एजेन्सी । बलिउडका बादशाह शाहरुख खान २०२३ का लागि भारतका सर्वाधिक चर्चित स्टार बन्नुभएको छ भने दोस्रो स्थानमा आलिया भट्ट रहनुभएको छ । इन्टरनेट मुभी डेटाबेस (आईएमडिबी)ले बुधवार सार्वजनिक गरेको सूचीमा उहाँहरू भारतका सर्वाधिक चर्चित स्टार सूचिमा रहन सफल हुनुभएको हो । यो वर्ष शाहरुखका लागि निकै फलदायक रहृयो । उहाँको दुईवटा चलचित्र एकपछि अर्को ब्लकबष्टर बन्न सफल भए । यी दुवै चलचित्रले बक्स अफिसमा कयौं रेकर्ड तोडे । खानका चलचित्र ‘पठान’ र ‘जवान’ले विश्वभर २२ अर्ब भारुभन्दा धेरै कमाउन सफल भए । यही वर्ष उहाँको तेस्रो चलचित्र ‘डंकी’ डिसेम्बरमा सिनेमाघरमा आउँदै छ ।
आईएमडीबीको शीर्ष १० मा जवानमा शाहरुखका दुई को-स्टार पनि रहनुभएको छ । तमिल स्टार विजय सेतुपति शीर्ष १०औं स्थानमा हुनुहुन्छ भने नयन तारा पाँचौं स्थानमा रहनुभएको छ । दोस्रो स्थानमा रहनुभएकी अभिनेत्री भट्टले वर्ष आलियाले हलिउड डेब्यु गर्नुभएको थियो । उहाँको करियरको सबैभन्दा ठूलो हिट चलचित्र ‘रकी’ र ‘रानीकी प्रेम कहानी’ पनि यही वर्ष आएका थिए ।
तेस्रो स्थानमा दीपिका पादुकोण रहनुभएको छ । चलचित्र ‘पठान’मा सहायक भूमिका र जवान एक्स्टेन्डेड क्यामिओकै कारण सूचीमा उहाँले छलाङ मार्नुभयो । ‘जुब्ली’, ‘चार्ली चोपरा’, ‘खुफीया’लगायतमा मुख्य भूमिकाबाट चर्चा पाउनुभएकी वमिका गाबी आईएमडीबीको चौथो स्थानमा हुनुहुन्छ । छैटौं स्थानमा अभिनेत्री तमन्ना भाटिया रहनुभएको छ । तमिलको ब्लकबष्टर चलचित्र जेलरबाहेक पनि तमन्नाले तीनवटा स्ट्रिमिङ प्रोजेक्टमा काम गर्नुभएको थियो ।
‘जाने जान’बाट स्ट्रिमिङ डेब्यु गर्नुभएकी करिना सूचीको आठौं स्थानमा हुनुहुन्छ । अक्षयकुमार भने नवौं स्थानमा रहनुभएको छ । गएको वर्षको आईएमडीबीको सूचीमा धनुष शीर्ष स्थानमा हुनुहुन्थ्यो भने आलिया दोस्रोमै रहनुभएको थियो । २०२२ को सूचीमा दक्षिण भारतीय चलचित्र उद्योगका स्टारहरूको वचश्र्व थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच