काठमाडौं । प्रहरी ऐन कार्यान्वयनको माग गर्दै काठमाडौं आउनु भएका सात प्रदेशका गृहमन्त्रीहरुले प्रधानमन्त्रीको व्यस्तताका कारण भेट गर्न पाउनु भएको छैन ।
यस अघि ३ बजे तय गरिएको भेट प्रधानमन्त्री पुष्पकमल दाहाल प्रचण्डको व्यस्तताका कारण भेटघाट हुन नसकेको बताइएको छ । उहाँहरुलाई साँझ ५ बजे प्रधानमन्त्री निवास बालुवाटारमा भेटघाटको समय मिलाइएको बताइएको छ ।
उहाँहरुले गृहमन्त्री नारायणकाजी श्रेष्ठलाई भेटेर ज्ञापनपत्र भने बुझाइसक्नु भएको छ ।
प्रहरी ऐन कार्यान्वयनको माग गर्दै काठमाडौं आउनु भएका सातै प्रदेशका गृहमन्त्रीले आज प्रधानमन्त्री पुष्पकमल दाहाल प्रचण्ड र उपप्रधान तथा गृहमन्त्री नारायणकाजी श्रेष्ठलाई भेट्न आइउनु भएकाे हाे।
प्रदेश सरकारहरू बनेको ६ वर्ष भइसक्दा पनि प्रदेशको आफ्नै प्रहरी नहुँदा कार्यसम्पादनमा असर परेको भन्दै प्रदेशका गृहमन्त्रीहरू सङ्घीय सरकारसँग असन्तुष्ट रहँदै आउनु भएकाे छ ।
प्रदेशले प्रहरी ऐन बनाइसके पनि सङ्घीय सरकारले सङ्घीय प्रहरी ऐन नबनाएका कारण प्रदेशले बनाएका कानुन लागू हुन नसकेको उहाँहरूको आरोप रहेको छ ।
संघीय सरकारले प्रदेश सरकारलाई अधिकार दिन आवश्यक कानुन नबनाएको गुनासो गर्दै यसअघि पनि उहाँहरूले प्रहरीबिनाको प्रदेश सरकार अपूर्ण रहेको बताउँदै आउनु भएकाे छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच