काठमाडौं । मौलिक संस्कृतिमा आधारित पालाम गीत ‘मिम्जिमा ए’ सार्वजनिक गरिएको छ । संस्कृति, पर्यटन तथा नागरिक उड्डयनमन्त्री सुदन किराँतीले काठमाडौंमा एक विशेष समारोहबीच गीतको भिडियो सार्वजनिक गर्नुभएको हो । सार्वजनिक गीतमा गायक भीम लिम्बू र गायिका मनु नेम्वाङकोे स्वर छ । पच्चीस मिनेट लामो म्युजिकल फिल्म सार्वजनिक गर्दै मन्त्री किराँतीले यसले कला र संस्कृतिलाई प्रवद्र्धन गर्ने बताउनुभयो । उहाँले गायक भीमसँगको पुरानो सम्बन्धलाई स्मरण गर्दै संगीत यात्रामा अगाडि बढेको बताउनुभयो ।
गीतमा भीम र मनुसँगै कोरसका रूपमा रुकमान लिम्बू, निरन्ता नेम्वाङ, शिव सम्बाहाम्फे, दीपा सुहाङ हुनुहुन्छ । गीतको संकलक गायक भीम नै हुनुहुन्छ भने यसमा शब्द सुवर्ण नेम्वाङले लेख्नुभएको हो । गीतमा अशोक लोहरूङ राई एरेञ्जर, राजेश श्रेष्ठ रेकर्डिस्ट रहनुभएको छ भने किशोर थापाले मिक्सिङ गर्नुभएको छ ।
सार्वजनिक भिडियोमा रेखा लिम्बू, मोन नाल्बो सुब्बा, विशाल सेनेहाङ, रुकमान लिम्बू, कृष्ण सेनेहाङ, नवीन सेनेहाङ, खुसी थुलुङ, शैलेन्द्र नाल्बोलगायतले अभिनय गर्नुभएको छ । तारेभिरको रमणीय दृश्यमा छायांकन गरिएको गीतमा गाउँमा पाहुना आउँदा धान नाच्ने परम्परा र त्यही भेटघाटका क्रममा बसेको मायालाई देखाइएको गायक लिम्बूले बताउनुभयो ।
लोकेन सावाले निर्देशन गरेको गीतको भिडियो युवराज राईको छायांकन, सञ्जु थलाङको मेकअप, अनिल रानाको सम्पादन र फोली साउण्ड मानसी किरणले गर्नुभएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच