काठमाडौं । कामना न्युज पब्लिकेसन्स प्रालि शुक्रबारदेखि ४०औँ वर्षमा प्रवेश गरेको छ । पञ्चायत शासन व्यवस्थाकै अवस्थामा र अभिव्यक्ति स्वतन्त्रताको अभ्यास गर्न नसकिने बेलामा यसका संस्थापक अध्यक्ष पुष्करलाल श्रेष्ठले अभिव्यक्ति स्वतन्त्रताको नयाँ प्रयोग गरेर २०४१ साल १५ मंसिरमा यो पब्लिकेसन्सको स्थापना गर्नुभएको थियो । अध्यक्ष श्रेष्ठले वर्षको एउटा, दुईटा पनि चलचित्र नबन्ने समयमा कला क्षेत्रलाई लक्षित गरी कामना मासिक पत्रिका सुरु गर्नुभएको थियो ।
वार्षिक उत्सवका अवसरमा प्रकाशनले १३२ पेजको ऐतिहासिक र संग्रहणीय विशेषांक प्रकाशन गरहेको छ । निजी क्षेत्रको सबैभन्दा जेठो प्रकाशन गृहका रूपमा रहेको यस पब्लिकेसन्स व्यावसायिक पत्रकारितालाई निरन्तर अघि बढाउँदै नयाँ सोच र सिर्जनाका साथ अघि बढिरहेको छ ।
कामना न्युज पब्लिकेसन्सले कामना सिने मासिकसँगै क्रमशः साधना मासिक, महानगर दैनिक, नेपाल समाचारपत्र राष्ट्रिय दैनिक, न्युज अफ नेपाल अनलाइनजस्ता सशक्त सञ्चारमाध्यमलाई निरन्तर सञ्चालनमा ल्याएको हो । साथै, वार्षिकरूपमा कामना फिल्मस् अवार्ड पनि हुँदै आएको छ ।
यस प्रकाशनले नेपालकै पहिलो फिल्म म्यागजिनका रूपमा कामना, खोजमूलक पत्रकारिता गर्ने पहिलो म्यागजिनका रूपमा साधना तथा पहिलो सन्ध्याकालीन पत्रिकाका रूपमा महानगर रहेको छ । यस्तै, युनिकोडको प्रयोग गर्ने पहिलो अनलाइन न्युज अफ नेपाल हो । नेपालको विज्ञापन क्षेत्रमा पनि यस पब्लिकेसन्सले नवप्रवद्र्धनात्मक कार्य गर्दै ज्याकेट पेज, टप स्ट्रिप र अन्य विभिन्न नवीन प्रयोग गर्दै आइरहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच