काठमाडौं । नेकपा एमालेका अध्यक्ष केपी शर्मा ओलीले अहिलेको गठबन्धन सरकारका कारण देशको अवस्था अत्यन्तै नाजुक बनेको बताउनु भएको छ ।
वर्तमान सरकार सत्ता टिकाउने र अपराधीलाई जोगाउन मात्र केन्द्रित रहँदा देशको अवस्था अत्यन्तै नाजुक बन्दै गएको उहाँले बताउनु भयो ।
रुकुम पूर्वको रुकुमकोटमा बुधबार बिहान आयोजित विकास र समृद्धिसम्बन्धी सर्वदलीय-सर्वपक्षीय अन्तरक्रिया कार्यक्रमलाई सम्बोधन गर्दै अध्यक्ष ओलीले गठबन्धन सरकारका कारण देशको सबै क्षेत्र डामाडोल अवस्थामा रहेको बताउनुभयो ।
मध्यपहाडी लोकमार्ग केन्द्रित विशेष अभियान (झुलाघाट-चिवाभञ्ज्याङ समृद्धिका लागि संकल्प यात्रा) का क्रममा रुकुम पूर्व पुग्नुभएका अध्यक्ष ओलीले अहिलेको सरकारका कारण देश असफल भएकाले एमालेले पश्चिम बैतडीदेखि पूर्वको पाँचथरसम्म संकल्प यात्राको अभियान चलाइरहेको बताउनुभयो ।
देश हरेक क्षेत्रबाट असफल भइरहेकाले देशलाई सही ढंगले निकास दिन अभियानका क्रममा आम जनतासँग राय, सुझाव लिने र सोही अनुसार अघि बढ्ने एमालेको योजना रहेको उहाँले बताउनुभयो ।
गठबन्धन सरकारका कारण भ्रष्टाचार र तस्करी मौलाएको भन्दै अध्यक्ष ओलीले एमालेले त्यसलाई रोक्नुपपर्ने बताउनुभयो ।
सरकारको ध्यान सत्ता टिकाउने र अपराधीलाई संरक्षण गर्नेतर्फमात्र केन्द्रित भएको उहाँले बताउनुभयो ।
यसैक्रममा अध्यक्ष ओलीलाई बुधबार बिहान विभिन्न दलका नेता र जनप्रतिनिधिले जिल्लाको समग्र विकासका लागि विभिन्न मागसहित ध्यानाकर्षणपत्र बुझाएका थिए ।
मंसिर १४ गतेदेखि संकल्प यात्रामा रहेको एमालेले बुधबार बिहान रुकुम पूर्वको रुकुमकोटमा विकास र समृद्धिसम्बन्धी सर्वदलीय९सर्वपक्षीय अन्तरक्रिया कार्यक्रम आयोजना गरेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच