काठमाडौं । नेकपा माओवादीका नेता स्व. प्रकाश दाहालको स्मृतिमा प्रथम प्रकाश दाहाल स्मृति राष्ट्रिय ब्याडमिन्टन प्रतियोगिता हुने भएको छ । बौद्ध लाखेपोखरीस्थित स्पोर्ट्स हब नेपाल प्रालिको आयोजनामा पुस २५ गतेदेखि हुने ब्याडमिन्टन संघको मान्यता प्राप्त वरीयतासहितको राष्ट्रिय प्रतियोगितामा पुरुष एकल, महिला एकल, पुरुष युगल (ब्याडमिन्टन संघको उच्च २० वरीयता बाहेक), स्थानीय स्तर, मास्टर्स युगल ३५ वर्षमाथि र ४५ वर्षमाथि गरी ६ विधामा प्रतिस्पर्धा हुने आयोजक समितिका प्रतियोगिता निर्देशक एवं संयोजक आङ कुसाङ शेर्पाले जानकारी दिनुभयो ।
करिब २५ लाखको लागत रहेको प्रतियोगितामा विजेता, उपविजेता एवं तृतीय स्थान प्राप्त गर्ने खेलाडीहरूले नगद ४५ हजार, २५ हजार र १० हजारसहित मेडल, प्रमाणपत्र र ट्रफी प्राप्त गर्ने प्रतियोगिताका आर्थिक संयोजक एवं स्पोर्ट्स हबका सञ्चालक अश्मेल (अखिल) शाहीले जानकारी गराउनुभयो । राजनीतिक नेताका साथै खेलकुदलाई अति नै माया गर्ने व्यक्तित्व प्रकाश दाहाल आफ्नो अत्यन्तै निकट रहेकाले उहाँकै नाममा प्रतियोगिता आयोजना गर्न लागिएको सञ्चालक अखिल शाहीले बताउनुभयो ।
आयोजकको आफ्नै कोर्टमा हुने प्रतियोगितालाई भव्यरूपमा सम्पन्न गर्न हबका सञ्चालकहरू लाक्पा शेर्पा, सनबहादुर साम्वासमेत रहेको प्रतियोगिता समिति गठन गरिएको आयोजकले जनाएका छन् । वरीयतासहितको राष्ट्रिय प्रतियोगिता रहेकाले विगतमा जस्तै करिब चार सयको हाराहारीमा खेलाडीहरूको उपस्थिति रहने आयोजकले जनाएका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच