लण्डन । म्यानचेस्टर युनाइटेड युरोपेली च्याम्पियन्स लिगबाट बाहिरिएको छ । युनाइटेड बायर्न म्युनिखसँग पराजित हुँदै युरोपेली च्याम्पियन्स लिगबाट बाहिरियो । ओल्ड ट्रायफोर्डमा युनाइटेड १-० ले पराजित भएको थियो । किङ्सी कोमनले ७०औँ मिनेटमा गरेको गोल नै बायर्नका लागि निर्णायक बन्यो ।
च्याम्पियन्स लिगको अघिल्लो चरण पुग्ने सम्भावना कायम राख्न समूह ‘ए’मा युनाइटेडलाई यो खेल जितेरमात्र पुग्ने थिएन । अर्को खेलको नतिजामा निर्भर हुनुपर्ने थियो । समूहको अर्को खेलमा एफसी कोपनहेगनले गालातासारेलाई १-० ले हरायो । १६ अंक बटुलेको बायर्नसँगै उपविजेताका रूपमा कोपनहेगन (आठ अंक) नकआउट चरण पुग्यो । अंक तालिकामा गालातासारे तेस्रो (पाँच) र युनाइटेड (चार) समूहको अन्तिम स्थानमा रहे ।
यता रियल म्याड्रिडले समूह चरणमा अपराजित यात्रालाई निरन्तरता दिएको छ । समूह ‘सी’ को आफ्नो अन्तिम खेलमा रियलले युनियन बर्लिनलाई ३-२ ले हरायो । यो समूहबाट रियल र नेपोली यसअघि नै नकआउट चरण पुगिसकेका थिए । अर्को खेलमा नेपोलीले स्पोर्टिङ ब्रागलाई २-० ले हरायो । रियलले १८, नेपोलीले १०, ब्रागले ४ र बर्लिनले २ अंक जोड्यो । समूह ‘बी’ मा आर्सनलसँगै पिएसभी आयनहोभन प्रि-क्वाटरफाइनलमा पुगेको छ । यसअघि नै अन्तिम १६ मा पुगेको आर्सनल र आयनहोभनले १-१ को बराबरी खेले । बराबरीले आयनहोभनलाई अघि बढ्न पर्याप्त रहृयो ।
त्यस्तै समूह ‘डी’ मा पनि रियल सोसिडाड र इन्टर मिलान नकआउट चरण पुग्ने निश्चित भइसकेको थियो । इन्टर र सोसिडाडले गोलरहित खेल खेले । समूहको अर्को खेलमा बनेफिकाकाले आरबी साल्सबर्गलाई ३-१ ले हरायो । समूहकोविजेता सोसिडाड र उपविजेता इन्टरको समान १२ अंक रहृयो । तेस्रो स्थानको बेनफिका र आरबीले समान चार अंक जोडे ।
१६ अंक बटुलेको बायर्नसँगै उपविजेताका रूपमा कोपनहेगन (आठ अंक) नकआउट चरण पुग्यो । अंक तालिकामा गालातासारे तेस्रो (पाँच) र युनाइटेड (चार) समूहको अन्तिम स्थानमा रहृयो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच