काठमाडौं । नेपाल टेलिकमको नयाँ प्रिपेड सिमकार्ड लिएर चलाउँदा फस्र्ट कल एक्टिभेसन उपलब्ध हुने विभिन्न निःशुल्क सुविधा थप हुने भएको छ । त्यसैगरी आठ कक्षादेखि माथिका विद्यार्थीलाई समेत नयाँ सिम उपलब्ध गराइने, रिचार्ज गर्दा पाइने बोनस सुविधासमेत थप हुने कम्पनीले जनाएको छ । ९० रुपैयाँमा उपलब्ध हुने नयाँ प्रिपेड सिमकार्डमार्फत् तीन सय एमबी डाटा चलाउन, ४० मिनेट कल गर्न र २० वटा एसएमएस पठाउन सकिने सुविधा रहेकोमा अब एक जिबी डाटा चलाउन सकिनेछ भने नेपाल टेलिकमकै नेटवर्कमा सय मिनेट भ्वाइस कल गर्न र सयवटा एसएमएस पठाउन सकिनेछ । यी सबै सुविधा ३० दिनसम्म प्रयोग गर्न सकिनेछ । पहिले जस्तै यसमा १० ब्यालेन्ससमेत उपलब्ध हुने कम्पनीले जनाएको छ ।
कक्षा आठ, नौ र १० का विद्यार्थीलाई समेत अभिभावकको नागरिकता र सम्बन्धित विद्यालयद्वारा जारी परिचयपत्रका आधारमा ९० रुपैयाँमा प्रिपेड सिमकार्ड उपलब्ध हुनेछ । सो सिमकार्डमा समेत नयाँ सुविधा उपलब्ध हुनेछ । नयाँ सिमकार्डमार्फत् एक जिबी डाटा चलाउन सकिनेछ भने नेपाल टेलिकमकै नेटवर्कमा सय मिनेट भ्वाइस कल गर्न र सयवटा एसएमएस पठाउन सकिनेछ । सिमकार्डमा पनि १० ब्यालेन्स हुनेछ । त्यस्तै विभिन्न दरका एमपोस तथा फिजिकल रिचार्ज कार्डमार्फत् प्रिपेड तथा पोस्टपेड मोबाइलमा रिचार्ज गर्दा डाटा बोनस पनि उपलब्ध गराइने भएको र सय रुपैयाँको रिचार्ज गर्दासमेत डाटा बोनस उपलब्ध हुनेछ ।
एमपोसमार्फत् सयदेखि एक सय ९९ सम्म रिचार्जमा एक दिनका लागि एक जिबी, दुई सयदेखि चार सय ९९ रिचार्जमा प्रतिदिन एक जिबीका दरले दुई दिनका लागि दुई जिबी र पाँच सय वा सोभन्दा माथिको रिचार्जमा प्रतिदिन दुई जिबीका दरले चार दिनका लागि आठ जिबी डाटा बोनस उपलब्ध हुनेछ । फिजिकल रिचार्जमार्फत् सयको रिचार्जमा एक दिनका लागि एक जिबी, दुई सय रिचार्जमा प्रतिदिन एक जिबीका दरले दुई दिनका लागि दुई जिबी र पाँच सय र हजार रिचार्जमा प्रतिदिन दुई जिबीका दरले चार दिनका लागि आठ जिबी डाटा बोनसका रूपमा उपलब्ध हुने कम्पनीका प्रवक्ता शोभन अधिकारीद्वारा जारी प्रेस विज्ञप्तिमा उल्लेख छ । पुस १ देखि लागू हुने योजना फागुन मसान्तसम्म रहने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच