काठमाडौं । एथलेटिक्स परिवार, नेपालको आयोजनामा राष्ट्रिय मिक्स रिले दौड प्रतियोगिता पुस १४ गते हुने भएको छ । कीर्तिमानी धावक बैकुण्ठ मानन्धरको सम्मानमा हुन लागेको प्रतियोगितामा मिक्स रिलेसहित ६ स्पर्धामा प्रतिस्पर्धा हुने आयोजक परिवारका अध्यक्ष राजन खत्रीले जनाउनुभएको छ ।
दश किलोमिटरको मिक्स रिले, पुरुष/महिला खुला ५ किलोमिटर दौड, भेट्रान महिला ३५ वर्षमाथि पाँच किलोमिटर दौड, भेट्रान पुरुष ४१ देखि ५० वर्षसम्म र ५१ वर्षभन्दा माथि उमेर समूहमा दौड हुनेछ । आयोजकका अनुसार दौडमा करिब चार सय खेलाडीको सहभागिता रहनेछ ।
नेपालमा पहिलोपटक सडकमा मिक्स रिले हुन लागेको अध्यक्ष खत्रीले बताउनुभयो ।
एक टिममा समान दुई-दुई पुरुष/महिला खेलाडी हुनेछन् । प्रत्येकले दुई किलोमिटर पाँच सय मिटर दौड्नुपर्ने हुन्छ । सबै स्पर्धा त्रिपुरेश्वरस्थित दशरथ रंगशालाबाट सुरु भई दशरथ रंगशालामै आएर टुंगिनेछ । आयोजकका अनुसार प्रतियोगिता सञ्चालन गर्न करिब नौ लाख ५० हजार रुपैयाँ खर्च हुनेछ । नगद पुरस्कार पनि राखिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच