गुल्मी । गुल्मीको रेसुङ्गा नगरपालिका वडा नम्बर-३ भाडगाउँमा ज्येष्ठ नागरिकको घरमै पुगेर निःशुल्क स्वास्थ्य परीक्षण गरिएको छ ।
यस वडाका ८० वर्षभन्दा माथिका ज्येष्ठ नागरिक र अशक्त एवम् अपाङ्ग नागरिकको घरमै पुगेर निःशुल्क स्वास्थ्य परीक्षण, परामर्श र आवस्यक औषधि वितरणलगायतका सेवा उपलब्ध गराइएको सिनियर अहेव यमुना विश्वकर्माले जानकारी दिनुभयो ।
“ज्येष्ठ नागरिकको सम्मान, हाम्रो सभ्यताको पहिचान” भन्ने मूख्य नारासहित ज्येष्ठ नागरिक दिवसको अवसरमा यस वडामा रहेका ८० वर्षभन्दा माथिका ज्येष्ठ नागरिक ४३ जना र अशक्त एवम् अपाङ्ग १७ जना नागरिकको घरमै पुगेर सेवा प्रदान गरिएको छ ।
आफ्नो घरमै आएर स्वास्थ्य परीक्षण, परामर्श र आवस्यक औषधि वितरणलगायतका सेवा प्रवाह गर्दा यहाँका ज्येष्ठ नागरिकहरु अत्यन्तै धेरै खुसी भएकाे विश्वकर्माले बताउनु भयाे । घरमै बसी निःशुल्क स्वास्थ्य परीक्षण र औषधि प्राप्त गर्दा निकै खुसी लागेको उनीहरुले बताएका थिए ।
घरमै पुगेर ज्येष्ठ नागरिकको स्वास्थ्य परीक्षण तथा औषधि वितरणलगायतका सेवा प्रवाह गर्दा उहाँहरुलाई धेरै सहज हुने वडाअध्यक्ष बाबुराम खत्रीले बताउनुभयो । यसरी सेवा प्रदान गर्नु आफ्नो जिम्मेवारी एवम् कर्तव्य भएको भन्दै उहाँले ज्येष्ठ नागरिकबाट नयाँ पुस्ताले धेरै कुरा सिक्न जरुरी रहेको बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच