काठमाडौं । भ्याली पब्लिकका सिनियर ब्वाइज र गल्र्स दुवै टोली १५औँ टिआइए कप अन्तरविद्यालय बास्केटबल प्रतियोगिताको क्वाटरफाइनलमा प्रवेश गरेका छन् । हात्तीगांैडास्थित आयोजक ठुङ्रम इन्टरनेसनल एकेडेमी (टिआइए) को कोर्टमा भएको सिनियर ब्वाइजको खेलमा भ्याली पब्लिकले टिआइए ‘बी’ लाई ४७-२७ ले पराजित गर्यो । भ्याली पब्लिकका अनमोल गुरुङले १५ अंक जोड्नुभयो ।
सिनियर गल्र्समा भ्याली पब्लिकले निम्सलाई ४२-३७ ले हरायो । भ्याली पब्लिककी प्रकृति खड्का र लोरिशा गौचनले समान १०-१० स्कोर गर्नुभयो ।
सिनियर ब्वाइजमा निम्स, ग्रिनल्याण्ड र एचएचसिएले क्वाटरफाइनलमा स्थान सुरक्षित गरे । निम्सले टिआइए ‘ए’ लाई ३६-३१, ग्रिनल्याण्डले जेनिथलाई ५८-४८ र एचएचसिएले फ्युजन एकेडेमीलाई ४०-१२ ले पाखा लगाए । निम्सका दीपसागर सेतीमहरले ११, ग्रिनल्याण्डका प्रवीण गुरुङले ३४ र एचएचसिएका पवन मगरले आठ अंक जोड्नुभयो ।
सिनियर ब्वाइजमा निम्सले जेनिथ, विल्सन एकेडेमीले एचएचसिए, टिआइए ‘ए’ ले ग्रिनल्याण्ड र भ्याली पब्लिकले बिएमसीएसँग क्वाटरफाइनलमा खेले । सिनियर गल्र्समा एनसिसिएसले ग्रिनल्याण्डलाई १९-२ ले पन्छ्याउँदै क्वाटरफाइनल यात्रा तय ग¥यो । एनसिसिएसकी दिया महर्जनले १० अंक जोड्नुभयो ।
सिनियर गल्र्समा पनि क्वाटरफाइनल समीकरण पूरा भएको छ । क्वाटरफाइनल खेल निम्स र एचएचसिए, ग्रिनल्याण्ड र वसुन्धरा नेसनल एकेडेमी (बिएनए), हिमरश्मी र एनसिसिएस तथा भ्याली पब्लिक र टिआइए ‘बी’ बीच हुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच