पोखरा । दोस्रो राष्ट्रिय खुला तथा पोखरा मेयर कप ब्याडमिन्टन प्रतियोगितामा पुरुष सिंगल्सतर्फ एपीएफ क्लबका प्रदीप सोतीले देवीनगर क्लबका सुजलराज श्रेष्ठलाई २१-१४, २१-१० को सोझो सेटमा पराजित गर्नुभएको छ । प्रतियोगिताका छैटौं वरियाताका एपीएफका देवराज रानाले सुनसरीका गणेशबहादुर चम्लागाईंलाई २१-१२ र २१-८ ले पराजित गर्दा पिएसविसीका विशान गुरुङले कास्कीका इशान खड्कालाई २१-१४ र २१-१५ ले पहिलो चरणको खेलमा पाखा लगाउनुभयो ।
पुरुष सिंगल्सतर्फ नै एपीएफका अनिल मल्लले देवीनगरका बविश थापालाई २१-१९, १५-२१ र २१-१२ ले पराजित गर्दा पाँचौं बरियाताका नेपाल पुलिसका सुनिल जोशी वाक आउटका आधारमा विजेता बन्नुभयो । एपीएफकै प्रम्भ सिम्खडाले कास्कीका अविराज शेरचनलाई १९-२१, २१-१२ र २१-१२ को सेटमा पराजित गर्नुभयो ।
देवीनगरका हेमन्त आयरले पिएसविसीका विवेक सुवेदीलाई २१-५ र २१-८ ले, एपीएफकै क्षितिज खनालले त्रिभुवन आर्मी क्लबका पविन लिङथेपलाई २१-८, २१-० ले, कास्कीका विधान अधिकारीले एपीएफका सुजन थापालाई २१-१९ र २१-११ ले, एपीएफका रोशन साउदले पिएसविसीका नितेश गुरुङलाई २१-११ र २१-९ ले, नेपाल पुलिस क्लबका पूर्णबहादुर थापाले महोत्तरीका इशान झालाई २१-१२ र २१-८ ले तथा एपिएफका अरुण अधिकारीले सुनसरीका संगम गिरीलाई २१-१६ र २१-१८ ले पराजित गर्नुभयो ।
ब्याइज यू-१७ तर्फ भएको खेलमा कास्कीका देवेन फगामी, साइमान कार्की, अमृत थापा, र सनिश भण्डारी आ-आफ्नो खेल जित्दै प्रिक्वार्टरमा प्रवेश गर्नुभएको छ । त्यस्तै पिएसविसीका वसन्त पौडेल, कैलालीका आदित्य चौधरी, सुनसरीका संगम गिरी, एपीएफका प्रम्भ सिम्खडा, कञ्चनपुरका उदय चन्द, लाफा समूहका मनोज फौदार, पिएसविसीका सुन्दर विक, कनचनपुरका रेनिश धामी, म्याग्दीका डियन थापा, पिएसविसीका कृष कार्की, कञ्चनपुरका आशिष खत्री, म्याग्दीका दिवश पुन, सुन्सरीका ग्रिनेश घिमिरे र एपीएफका आरुष सिम्खडाले पहिलो चरणको खेल जित्नुभएको छ ।
त्यस्तै यू-१२ ब्याइज सिंगल्सतर्फ नेभोल एकेडेमीका दिनेश थापा, कञ्चनपुरका उदय चन्द, कास्कीका सविनविक्रम पालिखे, चितवनका गाव्रियल लामा, नोबल एकेडेमीकै वाशुदेव जैशीले आ-आफ्नो खेल जितेको कास्की ब्याडमिन्टन संघले जनाएको छ ।
प्रतियोगिता अन्तर्गत कुल १२ वटा विभिन्न इभेन्टमा ४८ क्लब तथा जिल्लाका गरी तीन सयभन्दा बढी महिला-पुरुष खेलाडीहरूको सहभागिता छ । पोखरा महानगरपालिकाको मुख्य प्रायोजनका सुरु भएको उक्त प्रतियोगितालाई नेपाल पर्यटन बोर्ड पोखराले प्रवद्र्धन गरेको छ । प्रतियोगिता १४ गतेसम्म सञ्चालन हुनेछ । विजेतालो ट्रफी, नगद, मेडल तथा प्रमाणपत्र प्राप्त गर्नेछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच