ढाका । बंगलादेशकी प्रधानमन्त्री शेख हसिना र उहाँको पार्टीका अन्य सांसदले जनवरी ७ मा भएको संसदीय निर्वाचनपछि बुधबार सांसद पदको शपथ लिनु भएको छ । सांसदहरूलाई बंगलादेशको संसद्का सभामुख शिरीन शर्मिन चौधरीले शपथ ग्रहण गराउनुभएको थियो । समारोहमा अन्य दलका नवनिर्वाचित र स्वतन्त्र सांसदले पनि शपथ लिनुभएको छ । निर्वाचन आयोगले मंगलबार अपराहृन प्रकाशित गरेको राजपत्रमा प्रकाशित सूचना अनुसार हसिना नेतृत्वको अवामी लिग पार्टीले २९८ मध्ये २२२ सिट जितेको छ ।
आवामी लिग नेतृत्वको गठबन्धनले २२५ सिट जितेको छ । आमचुनावमा भारी जित हासिल गरेको हसिनाको सत्तारुढ अवामी लिग पार्टीले जनवरी ११ मा नयाँ मन्त्रिमण्डल गठन गर्ने क्याबिनेट डिभिजनका एक वरिष्ठ अधिकारीले बताउनुभयो ।
प्रधानमन्त्री हसिना नेतृत्वको सरकारले गराउने निर्वाचन स्वच्छ तथा स्वतन्त्ररूपमा हुनेमा आशंका व्यक्त गर्दै बंगलादेश नेशनल पार्टीलगायत प्रमुख विपक्षी दलले गत आइतबार सम्पन्न निर्वाचनमा भाग लिएका थिएनन् । रासस/सिन्हृवा ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच