गुल्मी । गुल्मीको तम्घासमा भएको एक कार्यक्रमका सहभागीहरुले राष्ट्र निर्माता पृथ्वीनारायण शाहलाई कसैले पनि भुल्न नहुने बताएका छन् ।
राष्ट्रिय प्रजातन्त्र पार्टी र विश्व हिन्दु महासंघ गुल्मीद्वारा आयोजित ३०२ औं पृथ्वी जन्मजयन्ती तथा राष्ट्रिय एकता दिवसको कार्यक्रमका सहभागीहरुले यस्तो बताएका हुन् ।
राष्ट्र निर्माता, राष्ट्रको एकीकरण कर्ता पृथ्वीनारायण शाहलाई सबैले बिर्सने गरेको भन्दै त्यस कार्यक्रमका सहभागीहरुले उहाँ र देशमा असल कर्म गर्नुभएका सबैलाई सम्झनुका साथै सम्मान गर्नु सबैको कर्तव्य भएको बताएका छन् । त्यस अवसरमा विश्व हिन्दु महासङ्घ गुल्मीका सचिव मुकुन्दहरि गौतमले पृथ्वीनारायण शाहले राष्ट्र र राष्ट्रियतालाई एकीकृत गरेर नेपालीलाई गौरव गर्ने काम गर्नुभएको भन्दै उहाँलाई कसैले पनि बिर्सन नहुने बताउनुभयो ।
राष्ट्रिय प्रजातन्त्र पार्टी नेपालका केन्द्रीय सदस्य सर्वण कुमार नेपालीले राजनीतिक परिवर्तन भएतापनि यस जिल्लामा सधै भरी राष्ट्र निर्माता पृथ्वीनारायण शाहको जन्म जयन्ती तथा राष्ट्रिय एकता दिवस मनाइने गरेको बताउनुभयो । वर्तमान सरकारले यस दिनलाई महत्त्व ठानेर राष्ट्रिय विदा दिएको प्रति धन्यवाद दिनुभयो । नेपालमा सुशासन आउन नसकेको सुशासन कायम गर्न नेपालमा राजा नै आवश्यक पर्ने बताउनुभयो । यहाँ व्यवस्था परिवर्तन भएपनि जनताको अवस्था उस्तै रहेको हुँदा जनताको अवस्था परिवर्तन गर्न राजा नै आवश्यकता पर्ने बताउनुभयो ।
विश्व हिन्दु महासंघ गुल्मीका अध्यक्ष सुरेशचन्द्र भुसालले राष्ट्रका लागि यो अत्यन्तै महत्त्वपूर्ण दिन भएको बताउनुभयो । उहाँले नेपाललाई एकीकरण गरेर सबैलाई नेपाली भनेर बाच्ने अधिकार प्रदान गराउनुभएको भन्दै अहिले संघीयताको नाममा देशलाई विखण्डन गर्दै जान लागेको बताउनुभयो । टुक्राटुक्रा भएको बाइसे चौबिसे राज्यलाई एकीकृत गरेर नेपाल देशको निर्माण गर्नुभएको हुँदा उहाँलाई सबैले सम्झन जरुरी रहेको बताउनुभयो । त्यस्तै, कवि नमोनारायण पन्थीले आफ्नो कविता मार्फत पृथ्वीनारायण शाह एकताको प्रतीक भएको उल्लेख गर्दै सबैले सम्मान गर्नुपर्ने बताउनुभयो ।
नेपाली कांग्रेस गुल्मीका सहसचिव धर्मराज पाण्डेले पृथ्वीनारायण शाहको त्यागले गर्दा सबै नेपाली बनेर उभिएको बताउनुभयो । पछिल्लो समय राष्ट्रिय एकताको अभाव रहेको भन्दै सबै राजनीतिक दल एकताबद्ध हुन जरुरी रहेको बताउनुभयो । मूलभूत मुद्दा र सबल तथा सक्षम समाज निर्माणमा सबै एक ठाउँमा उभिनुपर्ने उहाँले बताउनुभयो । राष्ट्रिय प्रजातन्त्र पार्टी गुल्मीका अध्यक्ष अनिल कुमार कक्षपति देश निर्माण गर्नेलाई सबैले सम्झनु पर्ने बताउनुभयो । हिन्दु राष्ट्र र राजसंस्था अहिलेको आवश्यकता रहेको भन्दै देशका सबै राजनीतिक दलमा एकताको आवश्यकता रहेको उहाँले बताउनुभयो ।
शिक्षाविद् एवम् साहित्यकार दीन पन्थीले पृथ्वीनारायण शाहको कर्मलाई कसैले पनि भुल्न नहुने बताउनुभयो । पृथ्वीनारायण शाह रहेको हुनाले नेपाल देश रहेको भन्दै विभाजित देशलाई उहाँले एकै ठाउँमा ल्याउन सक्नुभएको बताउनुभयो । नेपाल एकीकरण नभएको भए नेपाल भन्ने नाम मात्रै रहने भन्दै नेपाली हौं भनेर गौरव गर्ने यो अवस्था नआउने उहाँले बताउनुभयो । इतिहासमा भएका राम्रा कर्महरुलाई कसैले पनि बिर्सन नहुने उल्लेख गर्दै राम्रो कुराको प्रसंशा गर्न जरुरी उहाँले बताउनुभयो ।
किरण पुस्तकालयका अध्यक्ष शशी पन्थीले राष्ट्र निर्माता पृथ्वीनारायण शाहलाई कसैले पनि बिर्सन नहुने बताउनुभयो । उहाँलाई बिर्सनु भनेको आफुलाई बिर्सनु हो भन्दै दृढ संकल्पका कारण देशलाई एकीकृत गर्न सफल हुनुभएको बताउनुभयो । देशलाई जोगाउन सबैले संकल्प गर्नुपर्ने उल्लेख गर्दै नेपाललाई साझा फुलबारीको रुपमा बनाउनुभएको उहाँलाई कसैले पनि बिर्सन नहुने बताउनुभयो । पृथ्वीनारायण शाहले सबैलाई राष्ट्रिय एकताको शुत्रमा बाध्नुभएको भन्दै महापुरुषलाई सम्झनु, सम्मान गर्नु सबैको दायित्वसंगै कर्तव्य भएको बताउनुभयो । राष्ट्रप्रति सबै इमानदारी बन्न जरुरी रहेको उल्लेख गर्दै सबैले उहाँको विचारलाई व्यवहारमा कार्यन्वयन गर्ने र वर्तमान नेतृत्वले देशमा सुशासन कायम गरि जनतालाई अनुभूति हुने काम गर्न जरुरी रहेको बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच