स्याङ्जा । स्याङ्जा जिल्ला आँधीखोला गाउँपालिका वडा नं ३ फूलबारीबाट माझकटेरी हुँदै पर्वतको आर्थर, राम्जा देउराली जोड्ने सडक स्तरोन्नतिको सोमबार आँधीखोला गाउँपालिका अध्यक्ष विश्वनाथ पौडेलले शिलान्याश गर्नुभएको छ ।
शिलन्यास कार्यक्रममा बोल्दै अध्यक्ष पौडेलले स्याङ्जाको आँधीखोलाको उत्तरी भेगका बासिन्दालाई गाउँपालिकासम्म आउन तथा मूल सडक सञ्जालमा जोडिन यस बाटोको स्तरोन्नतिले सहजता प्रदान गर्ने धारणा व्यक्त गर्नुभयो । उहाँले भन्नुभयाे, “आँधीखोला गाउँपालिका सबै भित्री सडकहरूको स्तरोन्नति गरी पालिकासम्म नागरिकको सहज पहुँच पुर्याउने काममा लागेको छ ।”
कार्यक्रममा गाउँपालिकाकी उपाध्यक्ष सीता थापा, वडा नं ४ का वडा अध्यक्ष सिंहबहादुर क्षेत्री, वडा नं २ का वडा अध्यक्ष कमलप्रसाद पौडेल, वडा नं ३ का वडाध्यक्ष शेरबहादुर कार्की, प्राबिधिक शाखा प्रमुख प्रकाश पौडेल, पालिकाका प्रशासकीय अधिकृत युवराज अधिकारी लगायतको उपस्थित थियो ।
ईन्जिनियर प्रकाश पौडेलले प्राबिधिक पक्षको बारेमा र निर्माण कम्पनीको तर्फबाट बिष्णुप्रसाद पोख्रेलले निर्धारित समयमै काम सम्पन्न गर्ने प्रतिबद्धता व्यक्त गर्नु भएको थियो।
उक्त सडक स्तरोन्नतिका लागि रू १ करोड ३५ लाखमा सम्झौता भएको छ जसमध्ये ५० लाख सङ्घीय सरकार र ८५ लाख आँधीखोला गाउँपालिकाको बजेट रहने छ । उक्त सडक कालोपत्रेको काम २०८१ असारसम्म ठेक्का सम्पन्न हुने गरी विद्यामोहन कन्सट्रक्सन कम्पनीले जिम्मा लिएको पालिकाले जनाएको छ ।
यसले स्याङ्जा र पर्वतलाई सडक मूल कनेक्टिभिटीमा जोड्दै उत्तरी आँधीखोलाको आर्थिक विकासमा सहयोग पुग्ने विश्वास नागरिकहरूले गरेका छन् । हाल उक्त सडक निकै साँघुरो र कच्ची अवस्थामा रहेकाले यातायातमा कठिनाई भइरहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच