काठमाडौं । जनता समाजवादी पार्टी, नेपालका अध्यक्ष उपेन्द्र यादवले प्रदेशको नामाकरण संघीयता विपरित भएको आरोप लगाउनुभएको छ ।
बुधवार साँझ मधेस प्रदेश सरकारले प्रदेशको नाम घोषणा भएको स्मरणमा आायेजित स्वाभिमानी दिवसको कार्यक्रमलाई सम्बोधन गर्दै उहाँले यस्तो बताउनुभएको हो ।
उहाँले मधेस प्रदेश बाहेकको नाम संघीयता विपरित राजा महेन्द्रको पथमा नामाकरण गरिएको आरोप लगाउनु भयो । उहाँले पहिचानमा आधातिर प्रदेश मधेस प्रदेश मात्रै रहेको दाबी समेत गर्नुभयो । उहाँले संघीयता विपरित नामाकरण गरिएकाले नै कोशी प्रदेशको नाम जनताले अस्वीकार गरेको आोप लगाउनु भयो ।
उहाँले भन्नुभयो,“पहिचानमा आधातिर प्रदेश मधेस प्रदेश मात्रै हो । अरु प्रदेशको नामाकरण राजा महेन्द्रको पथमा भएका छन् । कोशी नदीको नाममा कोशी अञ्चल, मेची नदीको नाममा मेची अञ्चल, महाकाली नदीको नाममा महाकाली अञ्चल । त्यही पथमा वागमती प्रदेश, गण्डकी नदीको नाममा गण्डकी प्रदेश, कोशी नदीको नाममा कोशी प्रदेश, कर्णालीको नाममा कर्णाली प्रदेश छन् । प्रदेशको नामाकरण संघीयताको विपरित भएको छ । कोशी प्रदेशका जनताले नाम अस्वीकार गरे । जनता सडकमा लडेर सहादत प्राप्त भए । पहिचानमा आधातिर संघीयताको सिद्धान्त विपरित नाम राखिएको छ । पहिचानको आधारमा नभएपछि कोशी प्रदेशका जनताले नाम अस्वीकार गरे ।”
अध्यक्ष यादवले मधेस प्रदेशको मुख्य चुनौति भ्रष्टाचार रहेको बताउनु भयो । उहाँले प्रदेशको समुन्नत विकासका लागि सुुशासन अपरिहार्य रहेको भन्दै भ्रष्टाचार बिरुद्ध निर्मम भएर काम गर्न आग्रह गर्नुभयो ।
-न्युज एजेन्सी नेपाल
याे पनि पढ्नुहाेस्
बढ्दो युवा पलायन, आर्थिक मन्दी र राजनीतिक नेतृत्व
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच