सिन्धुली । सुनकोशी गाउँपालिका–५ साइटार नजिक शुक्रबार माइक्रो बस दुर्घटना भएको छ । दुर्घटनामा परी सात जना घाइते भएका छन् । काठमाडौंबाट सिन्धुलीतर्फ आइरहेको म.प्र.०२–००१.ज.००४२ नम्बरको बस विपी राजमार्गमा दुर्घटना भएको हो ।
घाइते हुनेहरुमा जिल्लाकै कमलामाई नगरपालिका–१ का १८ वर्षीय शोभ घिमिरे, वडा नम्बर २ का १९ वर्षीया सन्ध्या घिमिरे, गोलन्जोर गाउँपालिका–४ का ६५ वर्षीय तेजबहादुर बस्याल र वडा नम्बर १ का २१ वर्षीय रामधोज पाख्रिन छन् ।
यस्तै विराटनगर नगरपालिका–१२ मोरङ ३२ वर्षीय सत्यप्रकाश ठाकुर, गौशला नगरपालिका– ४ महोत्तरीका ६१ वर्षीय पर्शुराम ठाकुर र काठमाडौं महानगरपालिका– ८ का ३८ वर्षीय महेश डंगोल घाइते भएका जिल्ला प्रहरी कार्यालय सिन्धुलीका प्रहरी प्रवक्ता तथा प्रहरी नायव उपरीक्षक चिरञ्जिवी दाहालले जानकारी दिनुभयो ।
घाइतेमध्ये शोभा र सन्ध्या गम्भीर छन् । उनीहरुलाई टाउको र शरीरका भित्री भागहरुमा चोट लागेको छ । सामान्य घाइतेहरुको गोलन्जोर गाउँपालिका–७ खुर्कोटस्थित शुभजिवन अस्पतालमा उपचार भएको र गम्भिर घाइतेहरुलाई प्राथामिक उपचार गराएर थप उपचारको लागि काठमाडौँ पठाइएको प्रहरी जनाएको छ ।
बसका चालक कमलामाई नगरपालिका–५ का सुमन श्रेष्ठलाई प्रहरीले नियन्त्रणमा लिएको छ । बसमा दश जना सवार थिए । तीव्र गतिका कारण गाडी सडकको नालामा खस्न गई दुर्घटना भएको प्रहरीको अनुमान छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच