काठमाडौं । ज्ञानोदय बालवाटिका र संस्कृति १०औँ एक्सेल्सियर कपअन्तर्गत सिनियर गल्र्स बास्केटबलको क्वाटरफाइनलमा प्रवेश गरेका छन् । स्वयम्भूस्थित आयोजक द एक्सिेल्सियर स्कुलको कोर्टमा ज्ञानोदयले बोधीसत्वलाई १०-४ ले पराजित गर्यो । ज्ञानोदयको जितमा रिस्ता टिजाले चार अंक योगदान गर्नुभयो । जुरी थपलियाको तीन अंक सहयोगमा संस्कृतिले द चाँदबागलाई १०-७ ले हरायो । सिनियर गल्र्समै रिब्सले एक्सेल्सियरलाई ६-२ ले पाखा लगाउँदै क्वाटरफाइनलमा स्थान सुरक्षित गर्यो । रिब्सकी खुसी अधिकारीले पाँच अंक जोड्नुभयो ।
सिनियर ब्वाइजमा एनआइसी एकेडेमीले निसर्ग वाटिकालाई ३७-१७ ले पन्छ्याउँदै क्वाटरफाइनल यात्रा तय गर्यो । एनआइसीका मिसन भट्टराईले ११ स्कोर गर्नुभयो । सोही स्पर्धामा ज्ञानोदय बालवाटिकाले टिआइएलाई ४२-३१ तथा जेनिथले विस्डम एकेडेमीलाई ४१-४ ले पराजित गर्यो । ज्ञानोदयका दीपेश शाहीले २३ तथा जेनिथका अनिश गुरुङले १५ अंक जोड्नुभयो ।
यस्तै, अक्षरिका प्रथम अक्षरा कप अन्तरविद्यालय बास्केटबल प्रतियोगिताको सिनियर ब्वाइजमा क्वाटरफाइनलमा प्रवेश गरेको छ । काँडाघारीस्थित आयोजक अक्षरा स्कुलको कोर्टमा भइरहेको प्रतियोगितामा अक्षरिकाले प्रीतिमालाई ३३-१२ ले पराजित गर्यो । विजयी टिमका लागि रविन मगरले १२ स्कोर गर्नुभयो ।
सिनियर ब्वाइजमै द ब्रिटिस स्कुलले गोल्डेन बडलाई २३-१९, विद्या विकासले ब्रहृमकुञ्जलाई ३६-१२ र गेटवे एकेडेमीले युरोलाई ४४-४१ ले हराउँदै क्वाटरफाइनलमा स्थान पक्का गरे । सिनियर गल्र्समा ब्रिटिसले विद्या विकासलाई २३-११, एमसिडिएसले गोल्डेन बडलाई १३-६ र बिआइएसले युरोलाई १४-७ ले पाखा लगाउँदै क्वाटरफाइनलमा पुगे ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच