काठमाडौं । नेपालको मौलिक शिक्षा गुरुकुलीय शिक्षामा समावेशीता अपरिहार्य भएको बताइएको छ । नेपालकै पहिलो समावेशी छात्राहरू अध्यापन गराइने ग्रार्गी कन्या गुरुकुलको सहयोगार्थ आयोजना हुन लागेको सप्ताह महायज्ञको छलफल कार्यक्रममा सहभागी वक्ताहरूले यस्तो विषय उठान गर्नुभएको हो । समावेशी छात्राका लागि ग्रागी कन्या गुरुकुलको सहयोग तथा आयोजनामा पहिलोपटक गुरुकुलीय शिक्षामा समावेशी सप्ताह ज्ञान महायज्ञ हुन लागेको हो ।
कार्यक्रममा विश्वहिन्दु महासंघका केन्द्रीय अध्यक्ष डा. रामाचन्द्र अधिकारीले गुरुकुल शिक्षा पद्धति नेपालको आफ्नो भएको भन्नुहुँदै यसको संरक्षण र संबद्र्धनमा लाग्नुपर्नेमा जोड दिनुभयो । उहाँले शिक्षा सबैका लागि सहज र अनकुल बनाइनुपर्ने बताउनुभयो ।
महायज्ञ मूल आयोजक समितिका संयोजक डा. गोविन्द टण्डनको अध्यक्षतामा भएको कार्यक्रममा विश्वहिन्दु महासंघका महासचिव रामचन्द्र तिवारी, कोषाध्यक्ष गिरिराज पाठक, सामूहिक जैन मन्दिर आरधना संस्थाका अध्यक्ष सुभाष जैन, यज्ञ सहसंयोजक टंकनाथ पौडेल, भगवती काफ्ले, गुरुकुलका कोषाध्यक्ष निर्मला पोखरेल, सामाजिक तथा धार्मिक व्याक्तित्व, पुष्प लोहनी, अनिता खरेल, कन्या गुरुकुलका व्यवस्थापन समिति सदस्य भवानी कँडेललगायतले महायज्ञका बारेमा आ-आफन्ना भावना व्यक्त गर्नुभएको थियो ।
नेपालको पहिलो र समावेशी गुरुकुलको रूपमा रहेको उक्त गुरुकुल सरकारी निकायबाट स्वीकृति प्राप्तगरी हालसम्म माध्यमिक तह ९ कक्षा ६-१२ सम्म आवासीय सुविधाकासाथ अध्यापन गराइएको छ । हाल गुरुकुलमा नेपालका ४५ जिल्लाका समावेशी ८० जना कन्याहरूले सम्पूर्ण निःशुल्क रूपमा शिक्षा प्राप्त गरिरहेको गार्गी गुरुकुलका प्राचार्य खिमनाथ चालिसेले जानकारी दिनुभयो ।
गुरुकुल स्थापनाभन्दा पनि सञ्चालन र निरन्तरता प्रमुख चुनौती रहेको भन्नु हुँदै गार्गी कन्या गुरुकुलका व्यवस्थापन समितिका अध्यक्ष शान्तप्रसाद पोखरेलले सोको समधान नै दिगो स्रोत र अक्षयकोषको आवश्यकता भएकाले महायज्ञ आयोजना गरिएको जानकारी गराउनुभयो । महायज्ञ संयोजक टण्डनले गुरुकुलमा अध्यन गर्ने बालिकाहरू विदुषी बन्नसक्ने बताउनुभयो । प्रसिद्ध कथावाचक पण्डित कुवेर सुवेदीको प्रमुख वाचकत्वमा विभिन्न कार्यक्रमका साथ सम्पन्न हुने ज्ञानमहायज्ञबाट संकलन भएको रकमले अक्षयकोष स्थापनाका साथै गुरुकुलको दिगोपनका लागि खर्चिने आयोजकले जनाएको छ ।
महायज्ञ यही फागुन १ देखि ९ गतेसम्म काठमाडौंको सुमार्गी भवन पशुपतिनाथमा परिसरमा गरिन लागिएको छ । नेपालकै प्रसिद्ध विदुषी स्वर्गीय अंगुरबाबा जोशीको विशेष सदिच्छा अनुसार काठमाडौंमा २०६७ सालदेखि ग्रागी कन्या गुरुकुलको स्थापना गरिएको थियो । २०७५ देखि भरतपुर-१ देवघाटधाम चितवनमा सञ्चालित राम जानकी कन्या गुरुकुल मर्ज गरी सञ्चालन गरिँदै आइएको छ । कार्यक्रमको सहजीकरण गुरुकुलका महासचिव रामप्रसाद वस्तीले गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच