ललितपुर । महिला सशक्तीकरणको विषयलाई समेटेर निर्देशक संगीता श्रेष्ठले निर्देशन गरेको म्युजिकल चलचित्र ‘चल्ने हावालाई’ सार्वजनिक गरिएको छ । ललितपुरस्थित युनाइटेड एकेडेमीमा आयोजित एक कार्यक्रमबीच उपसभामुख इन्दिरा रानाको प्रमुख आथित्यतामा उक्त बाह्र मिनेट लम्बाइ रहेको म्युजिकल चलचित्र सार्वजनिक गरिएको हो ।
कार्यक्रममा उपसभामुख रानाले म्युजिकल चलतिको प्रसंशा गर्दै उद्देश्य बोकेर संघर्ष गरेमा सफलता हात पर्ने बताउनुभयो । निर्देशक श्रेष्ठले ‘चल्ने हावालाई’मार्फत छोरीहरूलाई छोराझैँ समान रूपमा हेर्न र बुझ्न आग्रह गरिएको बताउनुभयो ।
कार्यक्रममा म्युजिकल चलचित्रमा देखिएकी बाल कलाकार तथा निर्देशक श्रेष्ठकी छोरी सम्वृद्धि श्रेष्ठ आफ्नो प्रतिभा उजागर गर्दै उक्त गीत लाइभ गाउनुभएको थियो । उक्त गीतको भिडियोमा सञ्चिता लुइँटेल, बेनिसा हमाल, गजित विष्ट, सोनिका बास्तोला, थमन सिंह पुर्जा, क्रिस केसी लगायतका कलाकारको अभिनय छ । निर्देशक श्रेष्ठको कामदेखि आफू हरेक पटक प्रभावित भएको भन्दै अभिनेता विष्टले प्रशंसा गर्नुभएको थियो ।
म्युजिकल चलचित्र हेरिसकेपछि नेपाल प्रहरीका पूर्वमहानिरीक्षक सर्वेन्द्र खनालले समाजमा देखिने नकारात्मक कुराहरूलाई गीतसंगीतमार्फत उठाइएको भन्दै सफलताको शुभकामना दिनुभएको थियो । कार्यक्रममा राष्ट्रिय सेवा दलका तालिम योजना तथा अनुगमन निरीक्षक महेशकुमार थापाले महिलाहरूलाई सम्पूर्ण अधिकार प्रयोग गर्नसक्ने गरी सक्षम बनाउनुपर्नेमा जोड दिनुभएको थियो ।
सरु पराजुलीको स्वर तथा शिव चम्लागाईको शब्द एवं संगीत रहेको गीतमा अभिनेत्री हमालले पाइलट बन्ने सपना पूरा गर्न गरेको संघर्षलाई देखाइएको छ । भिडियो निर्माणमा नेपाली सेनाले विशेष सहयोग गरेको निर्देशक श्रेष्ठले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच