काठमाडौं । नेपाल साउदी अरेबियामा अर्को महिना हुने वाफ महिला फुटबल च्याम्पियनसिपमा समूह ‘बी’ मा रहेको छ । फागुन ७ गतेबाट सुरु हुने च्याम्पियनसिपमा नेपाल रहेको समूहमा प्यालेस्टाइन, सिरिया र इराक छन् । अर्को समूहमा आयोजक साउदी, ग्वाम, लेबनान र जोर्डन छन् ।
फागुन ८ गते सिरियासँग खेल्दै नेपाली महिला टोलीले वाफ च्याम्पियनसिपको सुरुवात गर्नेछ । फागुन १० गते इराकसँग प्रतिस्पर्धा गर्ने नेपाली टोलीले समूह चरणको अन्तिम खेल फागुन १२ गते प्यालेस्टाइनसँग खेल्नेछ । राउण्ड रोविन लिगपछि समूहका शीर्ष दुई टोली सेमिफाइनलमा प्रवेश गर्नेछन् । राजेन्द्र तामाङको मुख्य प्रशिक्षणमा नेपाली टोलीले तयारी गरिरहेको छ ।
यता, नेपाली राष्ट्रिय फुटबल टोलीका खेलाडी रोहित चन्द सम्मिलित पेर्सिक केदिरी इण्डोनेसियन लिगा १ को पाचौँ स्थानमा उक्लिएको छ । बाली युनाइटेडविरुद्ध १-० को जित निकाल्दै पेर्सिक पाचौँ स्थानमा उक्लिएको हो । पेर्सिकको जितमा बालीका रेनान डा सिल्भाको ८३औँ मिनेटमा पेनाल्टीमार्फत् गरिएको गोल पर्याप्त बन्यो । रोहितले पहिलो रोजाइमा रहेर नब्बे मिनेट पूरा गर्नुभयो । पेर्सिक हाल २४ खेलबाट १० जित, सात बराबरी र सात हारमा ३७ अंकसहित तालिकाको पाँचौँ स्थानमा छ । पेर्सिकले आफ्नो अर्को लिग खेल फेब्रुअरी २४ मा पर्सिससँग खेल्नेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच