काठमाडौं । एक दिवसीय सिरिजको दोस्रो खेलमा क्यानडाविरुद्ध नेपाल चार विकेटले विजयी बनेको छ ।
आजको खेलमा नेपालका कप्तान रोहित पौडेल प्लेयर अफ द म्याच बने । उनले ८ ओभर बलिङ गर्दै ३२ रन खर्चिएर दुई विकेट लिए भने ब्याटिङमा पनि १०१ बल खेल्दै सर्वाधिक ८७ रन जोडे।
टियू मैदानमा क्यानडाले दिएको २८६ रनको लक्ष्य पछ्याएको नेपालले ४५.१ ओभरमा ६ विकेटको क्षतिमा लक्ष्य भेट्टायो । योसँगै नेपालले एक खेल अगावै क्यानडासँगको तीन खेलको एक दिवसीय सिरिजको उपाधि जितेको छ ।
आजको खेलमा नेपाल तीन खेलाडीले अर्धशतक प्रहार गरे । क्यानडाविरुद्ध कप्तान रोहित पौडेल, देव खनाल र अनिलकुमार साहले अर्धशतक बनाए । नेपालको जितका लागि कप्तान पौडेलले ८७, देव खनालले ७६, अनिलकुमार साहले ५०,भीम सार्कीले २३ र पवन सर्राफले १४ रन बनाए ।
आसिफ सेखले १०, कुशल मल्ल र सोमपाल कामीले समान ९–९ रन बनाए ।
बलिङमा क्यानडाका ईश्वरजोत सोही र हर्ष ठकेरले २–२, साद बिन जाफर र दिलप्रीत बाजवाले १–१ विकेट लिए ।
यसअघि टियु क्रिकेट मैदानमा टस जितेर पहिला ब्याटिङ गरेको क्याडनाले निर्धारित ५० ओभरमा ९ विकेट गुमाउँदै २८५ रन बनाएको थियो ।
बलिङमा नेपालका कप्तान रोहित पौडेल र कुशल मल्लले समान २–२ विकेट, आकाश चन्द, सूर्य तामाङ, सोमपाल कामीले र पवन सर्राफले १–१ विकेट लिन सफल भएका थिए ।
यसअघिको खेलमा नेपालले क्यानडालाई ७ रनले हराएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच