काठमाडौं । आर्टिफिसियल इन्टेलिजेन्स(एआई) प्रविधिमा निर्माण गरिएको भिडियो ‘तिमी जे बन उदाहरण बन’ सार्वजनिक भएको छ । बालबालिकालाई असल नागरिक बन्न प्रेरणा दिने सन्देश बोकेको गीतको भिडियो नजिकिँदै गरेको सरस्वती पूजाको अवसर पारेर सार्वजनिक गरिएको हो । गीतमा प्रमोद खरेल र डा.त्रिशाला गुरुङको स्वर, मनोज खड्काको शब्द र कल्याण सिंहको संगीत छ ।
भिडियो नेपाल र अमेरिकाबाट एकै साथ रिलिज गरिएको छ । नेपाली सांगीतिक क्षेत्रमा सम्भवत पहिलोपटक निर्देशक नव ढुंगेलको कल्पनामा एआई एनिमेसनको प्रयोग गरेर यो गीतको भिडियो निर्माण गरिएको हो । गीतमा दिक्षित पौडेलको एरेञ्ज, दिनेश श्रेष्ठ (डी.स्टुडियो)को रेकर्ड छ । गीतको भिडियोमा राजु बस्नेतको सम्पादन छ ।
उहाँलाई इमेज जेनेरेटमा सदिक्षा कट्टेलले साथ दिनुभएको छ । गीतको कभरपेज डिजाइन ग्राफिक डिजाइनर तथा भिडियो निर्देशक अनिल स्थापितले तयार पार्नुभएको हो । गीतकार खड्काले आफ्नै युट्युब च्यानल ‘सङ्गराइटरमनोज’मार्फत गीतको भिडियो श्रोता÷दर्शकमाझ ल्याउनुभएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच