जेनेभा । रफाहमा इजरायली सैन्य कारबाहीले गाजामा नरसंहार निम्त्याई निरीह मानिसहरूको मृत्यु हुनसक्ने चेतावनी संयुक्त राष्ट्रसंघीय मानवीय मामिला उप-महासचिव मार्टिन ग्रिफिथ्सले बताउनुभएको छ । उहाँले दक्षिणी गाजाको रफाहमा स्थल आक्रमणको खतरनाक परिणामविरुद्ध अन्तर्राष्ट्रिय समुदायको चेतावनीलाई उल्लेख गर्दै इजरायलले उनीहरूको आहृवानको बेवास्ता नगर्ने विश्वास व्यक्त गर्नुभएको छ ।
रफाह र गाजाका मानिसहरू आक्रमणको शिकार भएको बताउँदै उहाँले यसको तीव्रता, क्रूरता र दायरा अतुलनीय भएको उल्लेख गर्नुभएको छ । मानवीय सहायताकर्मीहरूले चार महिनाभन्दा बढी समयदेखि अप्ठेरोमा परेका मानिसहरूलाई सहयोग गर्न करिब असम्भव रहेको कुरामा जोड दिँदै उहाँले सुरक्षा सुनिश्चितता, सहायता आपूर्ति तथा कामलाई निरन्तरता दिने कर्मचारी क्षमताको अभाव रहने चेतावनी दिनुभयो ।
मानवीय मामिला समन्वयका लागि संयुक्त राष्ट्रसंघीय कार्यालय (ओसिएएचए) ले मंगलबार गाजाको स्वास्थ्य मन्त्रालय (एमओएच)लाई उद्धृत गर्दै २४ घण्टाभित्र इजरायली आक्रमणबाट थप १३३ प्यालेस्टिनीको मृत्यु भएको तथा १६२ प्यालेस्टिनी घाइते भएको जनाएको छ । रासस/सिन्हृवा ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच