काठमाडौं । विज्ञापन बोर्डका अध्यक्ष लक्ष्मण हुमागाईंले विदेशी कलाकारको विज्ञापनलाई नेपालको सामाजिक सञ्जालमा रोक्ने गरी सामाजिक सञ्जालसम्बन्धी ऐन निर्माण भइरहेको बताउनुभएको छ । सोमबार काठमाडौंमा भएको विज्ञापनमा कलाकारको भूमिका विषयक अन्तरक्रियामा उहाँले यस्तो बताउनुभएको हो ।
अध्यक्ष हुमागार्इंले क्लिन फिड पोलिसीसँगै टेलिभिजनमा विदेशी विज्ञापनमा रोक लागेको जानकारी गराउँदै नेपाली कलाकारलाई प्रोत्साहित गर्न र नेपाली कला, संस्कृतिलाई प्रश्रय दिन डबिङ विज्ञापन पनि रोकेको बताउनुभयो । विज्ञापन नियमन गर्ने ऐन, २०७६ बनाएर ७६ को दफा ३ मा नेपालमा विज्ञापनमा डब गर्न नपाउने व्यवस्था गरिएकाले हाल नेपालमा कुनै पनि विदेशी कलाकारको विज्ञापन डब गरेर प्रसारण गर्न नपाइने उहाँको भनाइ थियो ।
अध्यक्ष हुमागाईंले भन्नुभयो, ‘क्लिन फिड पोलिसीले एउटा महत्वपूर्ण पाटो भनेको विदेशी टेलिभिजनमा विदेशी विज्ञापनलाई रोक लगायो । त्यतिमात्र गरेर नेपाली कलाकार र नेपाली कला, संस्कृतिलार्ई प्रश्रय दिन हामीले डबिङ विज्ञापनलाई रोक्यौँ तर पोलिसी २०७३ सालमा आए पनि त्यो कार्यान्वयनमा आउन सकेन । त्यसपछि हामीले विज्ञापन नियमन गर्ने ऐन, २०७६ बनायौँ । त्यो ७६ को दफा ३ मा नेपालमा विज्ञापनमा डब गर्न नपाउने व्यवस्था गरियो । परिणामस्वरूप अहिले नेपालमा कुनै पनि विदेशी कलाकारको डब गरेर प्रसारण गर्न पाइँदैन ।
तर प्रश्न उठेको छ, डिजिटल मिडियामा के त ? निकट भविष्यमा सामाजिक सञ्जालसम्बन्धी ऐन आउँदैछ । त्यसको मस्यौदा तयार भएको छ र विज्ञापन बोर्डको प्रस्ताव छ, अब विदेशी कलाकारको विज्ञापन हामी सामाजिक सञ्जालमा पनि रोक्छौँ । कि यो खुला हुन्छ, कि रोकिन्छ ।’ उहाँले दुर्ई अर्थी लाग्ने विज्ञापन भए गुनासो गर्न र एक्सनयोग्य गुनासा सम्बोधन गर्ने प्रतिबद्धतासमेत व्यक्त गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच