ललितपुर । पत्रकार अर्चना झाले मैथिली भाषामा लेखेको ‘अर्चनाकृत रामायण’ विमोचन भएको छ । नेपालमा पहिलोपटक गद्यमा लेखिएको मैथिली रामायणको विमोचन कांग्रेसका नेता विमलेन्द्र निधिले बुधबार गोदावरी नगरपालिका-१४ बाँडेगाउँस्थित मामाघर अनाथलय आश्रममा विमोचन गर्नुभएको हो ।
पूर्वउपप्रधानमन्त्री निधिले रामायणको लेखनबाट झाले आफू, आफ्नो परिवारका साथसाथै भाषा र संस्कृतिलाई अमर बनाएको धारणा राख्नुभयो । उहाँले रामायणमा रामसँगै सीताको पनि चर्चा गरिनुपर्ने बताउनुहुँदै सीताविना रामको कथा अधुरो हुने धारणा राख्नुभयो ।
प्रकाशित कृतिमाथि समीक्षा गर्नुहुँदै राष्ट्रिय समाचार समितिका कार्यकारी अध्यक्ष धर्मेन्द्र झाले रामायणमा रामको मात्रै चर्चा बढी गरिएको बताउनुहुँदै सीताको भूमिमा सीताको चर्चालाई व्यापकता दिइनुपर्नेमा जोड दिनुभयो ।
साहित्यकार डा.मञ्चला झाले मैथिली भाषामा अनुवाद गरेर लेख्ने आँट गरेकामा लेखक झाप्रति आभार व्यक्त गर्नुभयो । उहाँले यो पुस्तक सजिलैसँग बुझ्न सकिने बताउनुभयो । हालसम्म ५० वटाभन्दा बढी भाषामा रामायण लेखिएको छ भन्नुहुँदै उहाँले यो पुस्तक प्रकाशनबाट मैथिली भाषाको व्यापकतामा सहयोग पुगेको जिकिर गर्नुभयो ।
गद्यात्मक शैलीमा अनुवादित ‘अर्चनाकृत रामायण’मा करिब ६४ हजार शब्द रहेको अनुवादिका अर्चना झाले जानकारी गराउनुभयो । रामायणमा हिन्दू धर्मका देवता विष्णुको अवतार मानिने रघुवंशका राजा श्री राम र लक्ष्मी माताका अवतार सीता माताको गाथा लेखिएको छ । यसमा आठवटा अध्याय छन् जसलाई काण्ड भनिन्छ । नेपाली, हिन्दी, अंग्र्रेजी, संस्कृत आदिलगायत भाषामा पढ्न पाइने रामायण अब प्राचीन मिथिलावासीले सरल मैथिली भाषामा सम्पूर्ण पढ्न पाउने अवसर मिलेको अनुवादिका झाले बताउनुभयो ।
मामाघर आश्रम आश्रमका अध्यक्ष बालयोगेश्वर विजय कृष्णमूर्तिजी महाराजले अहोरात्र खटिएर पुस्तक प्रकाशन गरेकामा अनुवादिका झाप्रति आभार व्यक्त गर्नुभएको थियो । यस रामायणको सम्पादन वरिष्ठ साहित्यकार विनित ठाकुरले गर्नुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच