विश्व सामाजिक मञ्चमा जलवायु परिवर्तनले श्रम क्षेत्रमा पारेको असरबारे छलफल

काठमाडौं । तेस्रो विश्व सामाजिक मञ्चमा जलवायु परिवर्तनले श्रम क्षेत्रमा पारेको प्रभावका विषयमा छलफल भइरहेको छ ।

बिहीवारदेखि काठमाडौंमा शुरु भएको सम्मेलनमा विश्वमा जलवायु परिवर्तनले पारेको प्रभावका विषयमा पनि छलफल शुरु भएको हो । श्रमजीवि वर्गको पक्षमा समाजवादी सोच भएकाहरुको विश्व सम्भव छ भन्ने सन्देश दिने विश्व सामाजिक मञ्चको सम्मेलनको उद्देश्य रहेको छ ।

सम्मेलनमा श्रमिकका मुद्दाहरु, सामाजिक सुरक्षा, लैगिक, किसान र जलवायु परिवर्तन लगायतका विषयहरु उठाइएको छ । सम्मेलनमा श्रमजीवि, मजदुर र किसानको पक्षमा वातावरण बन्नुपर्ने पक्षमा नेपालले मत राख्ने अखिल नेपाल ट्रेड युनियन महासंघका अध्यक्ष जगत सिम्खडाले बताउनु भयो ।

उहाँले गरिखाने श्रमजीवि वर्गको पक्षमा समाजवादी सोच भएकाहरुको विश्व सम्भव छ भन्ने सन्देश दिनको लागि सम्मेलन भइरहेकाले नेपालले पनि त्यही अनुसारको मुद्दाहरु उठाएको बताउनु भयो । नेपालमा श्रमजीवी वर्गहरुको संख्या धेरै रहेकाले मुख्य गरेर सामाजिक सुरक्षाको विषयलाई प्राथमिकता दिएको बताउनु भयो । उहाँले नेपालमा जलवायु परिवर्तन, महिला हिंसा र श्रमिका मुद्दाहरुलाई पहिलो प्राथमिकता दिएको बताउनु भयो । उहाँले सम्मेलनमा उठेका मुद्दाले विश्वमा भएका सबै देशका सरकारहरुलाई दबाब सिर्जना गर्ने विश्वास रहेको बताउनु भयो ।

उहाँले युवा, महिला, श्रमिक र जलवायु परिवर्तनका विषयमा कार्यक्रमहरु गरिरहेको बताउनु भयो । उहाँले ट्रेड युनियन भित्र समान कामको समान ज्याला लगायत कार्यस्थलमा हुने महिला हिंसाको विषयमा छलफल चलिरहेको बताउनु भयो ।

उहाँले भन्नुभयो,‘यसको अर्थ गरिखाने श्रमजीवि वर्गको पक्षमा समाजवादी सोच भएकाहरुको विश्व सम्भव छ भन्ने एउटा सन्देश दिनको लागि सम्मेलन भइरहेको छ । यसले श्रमिकका मुद्दाहरु,सामाजिक सुरक्षा,लैगिक,किसान र जलवायु परिवर्तन लगायतका विषयहरु उठाएको छ । ठूला अर्थतन्त्र भएका देशहरुको दबाबमा रहेको देश हो । बढी श्रमजीवि गरिखाने मान्छेहरु छन् । श्रमजीवि मजदुर किसानको पक्षमा विश्व सम्मेलनले वातावरण बन्नुपर्छ । विश्वभर पुँजी थुपारेर बस्ने र बाँकीले आधा पेट खाएर बस्नुपर्ने अवस्थाको अन्त्य हुनुपर्छ भनेर अर्को विश्व सम्भव छ भन्ने सन्देश दिनको निम्ति विश्व सम्मेलन भइरहेको छ । जलवायु परिवर्तन,महिला र श्रमिकका मुद्दाहरु छन् । त्यसमा प्रत्यक्ष रुपमा श्रमजीवि वर्ग नै भिक्टिम भएको छ । यसले विश्वमा भएका सबै देशका सरकारहरुलाई दबाब सिर्जना गरेको छ । महासंघले सम्मेलनमा सामाजिक सुरक्षाका बारेमा कार्यक्रमहरु गरिरहेका छौं । त्यस्तै गरी जीफन्टले त्यस्ता मुद्दाहरुलाई उठाइरहेको छ । युवा,महिला,श्रमिक र जलवायु परिवर्तनका विषयमा जिफन्टले पनि गर्दैछ । अहिले फोरमहरु चलिरहेका छन् । लैंगिक सवालमा टे«ड युनियन भित्र समान कामको सम्मान ज्याला लगायत कार्यस्थलमा हुने महिला हिंसाको विषयमा पनि कार्यक्रमहरु चलिरहेका छन् । मुद्दाहरुका विषयमा कार्यक्रमहरुमार्फत छलफल भइरहेका छन् । सम्मेलनको अन्त्यसम्म जाँदा एउटा निष्कर्षमा पुग्छ । नेपाल सरकारको सवालमा सामाजिक सुरक्षा जब श्रमिकहरुको पक्षमा आयो भने नेपालमा नै बस्ने र श्रम गर्ने वातावरण सिर्जना हुन्छ । अहिले अमेरिका,चीन लगायतका देशहरुमा जान किन लालाहित हुन्छन भने त्यहाँ सामाजिक सुरक्षा राम्रो छ भनेर हो । नेपालमा सामाजिक सुरक्षा कार्यान्वयन गर । श्रमको सिर्जना नेपालभित्रै गर । नेपालमा नै युवाहरु रहन्छन् र नेपालको समृद्धि जान्छ । जलवायु परिवर्तनको कारण हिमालहरु पग्लने,पर्यटन क्षेत्रका श्रमिकको रोजगारी खोसिने समस्या छ । नेपालले यस्तो समस्या भोगिरहेकाले विश्व सामाजिक मञ्चले उठाएका कुराहरुलाई आत्मासाथ गर्नुपर्छ । नेपाल सरकारलाई सम्मेलनमा उठाएका मुद्दाहरुको ध्यानाकर्षण गर्छौं । सरकारलाई आग्रह गर्छौं । सम्मेलनले निकालेको निचोडलाई कार्यान्वयनको लागि दबाब दिन्छौं ।’

अध्यक्ष सिम्खडाले सामाजिक सुरक्षा श्रमिकहरुको पक्षमा भए मात्रै नेपालमा युवाहरु बस्ने र श्रम गर्ने वातावरण सिर्जना हुने बताउनु भयो । उहाँले विदेशी मुलुकमा सामाजिक सुरक्षा राम्रो भएकाले नेपालीहरु पनि विदेशमा जाने गरेको बताउनु भयो ।

उहाँले नेपाल सरकारले पनि सामाजिक सुरक्षा कार्यान्वयन गरी श्रमको सिर्जना नेपालभित्रै गर्न युवाहरुलाई मुलुकभित्रै रोक्न सक्ने बताउनु भयो । उहाँले जलवायु परिवर्तनको कारण हिमालहरु पग्लने,पर्यटन क्षेत्रका श्रमिकको रोजगारी खोसिने समस्या देखिएकाले नेपालले विश्व सामाजिक मञ्चमा मुद्दालाई उठाएको बताउनु भयो ।