गुल्मी । गुल्मीको रेसुङ्गा नगरपालिकामा दादुरा-रुवेला खोप अभियानको अभिमुखिकरण गरिएको छ । यस नगरपालिकामा स्थानीय तहस्तरीय खोप समन्वय समितिको बैठक तथा अभिमुखिकरण गरिएको हो ।
गुल्मीमा फागुन दोस्रो साताबाट दादुरा-रुवेला खोप अभियान सुरु हुँदैछ । नौ महिना पुगेर पाँच वर्षमुनिका बालबालिकालाई यो खोप लगाइने रेसुङ्गा नगरपालिकाका स्वास्थ्य शाखा प्रमुख मन्जु घर्ती मगरले जानकारी दिनुभयो । फागनु २१, २२ र २३ गते यस नगरपालिकामा खोप अभियान सञ्चालन हुने उहाँले बताउनुभयो । रेसुङ्गा नगरपालिकाका १४ वटै वडामा २५ वटा खोप केन्द्र रहेकोमा अहिले थप ७ वटा खोप केन्द्र थप गर्न माग गरिएअनुसार थप हुने भएको बताउनुभयो ।
त्यस अवसरमा नगरप्रमुख खिलध्वज पन्थीले महत्वपूर्ण कार्य मानव पूजीको विकास गर्ने भएकाले दादुरा-रुवेला खोप अभियान सञ्चालन गर्न लागिएको बताउनुभयो । स्वास्थ्यको क्षेत्रमा नगरपालिकाले सबैले देख्ने र महसुस गर्ने गरी फड्को मारेको बताउनुभयो । उहाँले पछिल्लो समय नागरिकले अधिकार मात्रै खोज्ने र कर्तव्य भुल्ने प्रवृत्तितिर समाज अघि बढेको भन्दै समुन्नत समाज निर्माणका लागि नागरिकले पनि आफ्नो कर्तव्य पुरा गर्नुपर्ने बताउनुभयो । उहाँले स्वास्थ्य क्षेत्र संवेदनशील क्षेत्र भएकाले यसप्रति जिम्मेवार भएर काम गर्न पनि आग्रह गर्नुभयो ।
अभिमुखिकरणमा स्वास्थ्य कार्यालय गुल्मीका जनस्वास्थ्य निरीक्षक तारा बहादुर कार्की र परिवार नियोजन सुपरभाइजर निरीक्षक गोपाल बहादुर कार्कीले सहजीकरण गर्नुभयो । दादुरा-रुवेला खोप अभियान अन्तर्गत गुल्मी जिल्लामा १७ हजार ५३७ बालबालिकालाई खोप लगाइनेछ । जिल्लाको मुसिकोट नगरपालिका, इस्मा गाउँपालिका, मालिका गाउँपालिका, धुर्कोट गाउँपालिका र मदाने गाउँपालिकामा फागुन १६ देखि २० गतेसम्म खोप अभियान सञ्चालन हुने भएको छ ।
फागुन २१ देखि २५ गतेसम्म रेसुंगा नगरपालिकासँगै गुल्मीदरबार गाउँपालिका, छत्रकोट गाउँपालिका, रुरुक्षेत्र गाउँपालिका, सत्यवती गाउँपालिका, चन्द्रकोट गाउँपालिका र कालीगण्डकी गाउँपालिकामा खोप अभियान सञ्चालन हुनेछ । जिल्लाका ३३० नियमित खोप केन्द्रबाट खोप अभियान सञ्चालन हुने स्वास्थ्य कार्यालय गुल्मीले जनाएको छ ।
खोप अभियानका लागि जिल्लाभर ३३७ स्वास्थ्यकर्मी, ६७४ स्वयंसेवक र १२ जनाले अनुगमन गर्ने चिकित्सकको टोली रहनेछ । यसबाहेक जिल्ला खोप समन्वय समिति र सञ्चारकर्मीहरूबाट अभियानको अनुगमन तथा निरीक्षण हुनेछ । अभियान सफल बनाउन स्वास्थ्य कार्यालय गुल्मीले अभियानमा सहभागी हुने पालिका र वडा खोप समन्वय समिति, पालिकाका स्वास्थ्य शाखा प्रमुख, स्वास्थ्य संस्था प्रमुख तथा खोप कार्यकर्ता, महिला स्वास्थ्य स्वयंसेविका, जिल्लास्तरीय खोप समन्वय समिति, सञ्चारकर्मी तथा सरोकारवालासँग छलफल तथा अन्तरक्रिया गरिसकेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच