काठमाडौं । कतारको दोहामा जारी वल्र्ड एक्वाटिक्स च्याम्पियनसिपमा दक्षिण एशियाली खेलकुदमा चार स्वर्ण जित हात पार्दै रेकर्ड कायम गर्नुभएका गौरिका सिंहले आफ्नो पुरानो स्थापित रेकर्डलाई पुनःस्थापित गर्नुभएको छ । गौरिकाले ५० मिटर ब्याकस्ट्रोकमा आफूले जापानको फुकुवाकामा भएको वल्र्ड एक्वाटिक्स च्याम्पियनसिप २०२३ मा कायम गरेको ३१.४४ सेकेन्ड समयको समयमा ०.६४ सेकेण्डले सुधार गर्दै ३०.८० सेकेण्ड समयको नयाँ रेकर्ड स्थापित गर्नुभएको हो ।
गौरिकाको यो दोस्रो राष्ट्रिय कीर्तिमान हो । उहाँले १०० मिटर ब्याकस्ट्रोकमा पनि एक मिनट ५.४७ सेकेण्डको नयाँ कीर्तिमान कायम गर्नुभएको थियो । यस्तै सोही च्याम्पियनसिपमा सहभागिता जनाइरहेका एलेक्सजेन्डर शाहले पनि आफ्नो पुरानो राष्ट्रिय कीर्तिमानमा सुधार गर्दै नयाँ कीर्तिमान कायम गरेको दोहाबाट नेपाल पौडी संघका अध्यक्ष अशोक रत्न बज्राचार्यले जानकारी गराउनुभएको छ ।
१०० मिटर फ्रिष्टायलमा एलेक्सले ५२.१७ सेकेण्डको समयको नयाँ राष्ट्रिय कीर्तिमान कायम गर्नुभएको छ । यसअघि एलेक्सले जापानको फुकुवाकामा भएको वल्र्ड एक्वेटिक्स च्याम्पियनसिप २०२३ मा ५२.९४ सेकेण्ड समयको राष्ट्रिय रेकर्ड राख्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच