काठमाडौं । आयोजक लोयल्टी ‘बी’ र काभ्या १२औँ लोयल्टी कप यू-१३ अन्तरविद्यालय छात्र फुटबल प्रतियोगिताको क्वाटरफाइनलमा प्रवेश गरेका छन् । मण्डिखाटारस्थित घरेलु मैदानमा लोयल्टी ‘बी’ ले रिलायन्स इन्टरनेसनल एकेडेमीलाई ५-० गोलले सहजै पराजित गर्यो ।
लोयल्टी ‘बी’ का साहिल राईले हृयाट्रिक गर्नुभयो भने विंगु थापाले २ गोल थप्नुभयो । रिलायन्सका अनुपराज चौहान ‘म्यान अफ द म्याच’ घोषित हुनुभयो । काभ्याले दोहोरो जित निकाल्यो । काभ्याले सिद्धार्थ वनस्थलीलाई १-० गोलले हरायो । रौनक बस्नेतले निर्णायक गोल गर्नुभयो । सिद्धार्थका ऋजेन्द्र पोखरेल ‘म्यान अफ द म्याच’ चुनिनुभयो । अर्को खेलमा काभ्याले रिलायन्सलाई १-० गोलले हराउँदा दिप्सन श्रेष्ठले निर्णायक गोल गर्नुभयो । रिलायन्सका दिवासन राई ‘म्यान अफ द म्याच’ बन्नुभयो ।
चेल्सी वल्र्ड स्कुल र नेपाल पुलिस स्कुलले पनि क्वाटरफाइनलमा स्थान सुरक्षित गरे । पुलिसले मनास्लुलाई १-० गोलले पाखा लगायो । पुलिसका सनिश आले मगरले गोल गर्नुभयो । मनास्लुका दिप्सन अधिकारी ‘म्यान अफ द म्याच’ ठहरिनुभयो । चेल्सीविरुद्धको खेलमा भने पुलिस ३-० ले चुक्यो । चेल्सीका दर्शित थापा, सुवास तामाङ र रोविन श्रेष्ठले समान १-१ गोल गर्नुभयो । पुलिसका सुदिप तामाङ ‘म्यान अफ द म्याच’ हुनुभयो । योसँगै क्वाटरफाइनल समीकरण तयार भएको छ । क्वाटरफाइनल पिस प्वाइन्ट र पुलिस, काष्ठमण्डप र काभ्या, चेल्सी र इस्टपोल तथा लोयल्टी ‘बी’ र ब्रहृमकुञ्जबीच हुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच