पोखरा । सूर्य नेपाल गल्फ टुर २०२३-२४ अन्तर्गतको चौथो प्रतियोगिता, सूर्य नेपाल वेस्टर्न ओपनको प्रो-एमको उपाधि प्रोफेसनल सञ्जीवबहादुर नेपालीको टिमले जितेको छ । पोखरास्थित पार-६९ को हिमालयन गल्फ क्लबमा उपाधि जित्ने क्रममा सञ्जीवको टिमले कुल १४८ स्कोर बनायो । प्रो सञ्जीवले ३४ अंक बनाउँदा एमेच्योरहरू १२ वर्षका युवा गल्फर दीप्सन लामाले ३९, बलराम थापाले ३८ र रविन्द्र तिवारीले ३७ अंक जोड्नुभयो ।
प्रो निरज तामाङको टिमले १४१ स्कोरसहित दोस्रो स्थान प्राप्त ग¥यो । प्रो निरजले ३४ स्कोर गर्दा एमेच्योरहरू १३ वर्षका ड्यानियल बानियाँले र मिलन यखाले समान ३६/३६ र अनिल सिन्हाले ३५ अंक दर्ज गर्नुभयो । प्रो सूर्यप्रसाद शर्माको टिम १३३ को कुल स्कोरमा तेस्रो भयो । प्रो सूर्यले ३३ तथा एमेच्योरहरू सुष्मा सिंहले ३३, श्याम तामाङले ३५ र जीवाराम गुरूङले ३२ अंक बटुल्नुभयो । महिलातर्फ सुष्मा सिंहले उत्कृष्ट स्कोर गर्नुभयो । उहाँले ३३ अंकमा खेल पूरा गर्नुभयो । प्रतियोगितामा कृष्ण गुरूङले लङगेस्ट ड्राइभ र श्रीराम थापाले क्लोजेस्ट टु दी पिनको उपाधि जित्नुभयो ।
प्रो–एममा १९ प्रोफेसनल र ७६ एमेच्योर गरी कुल ९५ गल्फरको सहभागिता रहेको थियो । विजयी खेलाडीहरूलाई नेपाल गल्फ संघका वरिष्ठ उपाध्यक्ष पवित्रकुमार कार्की, गण्डकी प्रदेश गल्फ संघका अध्यक्ष इन्द्रधारा बिष्ट, हिमालयन गल्फ क्लबका निर्देशक किरण केसी, कास्की जिल्ला गल्फ संघका अध्यक्ष जीवाराम गुरूङ र रोयल नेपाल गल्फ क्लबका अध्यक्ष मधुकर याक्थुम्बाले पुरस्कार वितरण गर्नुभयो ।
यसअघि सूर्य नेपाल वेस्टर्न ओपनको उपाधि रेकर्ड स्कोरसहित भुवन नगरकोटीले जित्नुभएको थियो । रवि खड्का दोस्रो र निरज तामाङ तेस्रो हुनुभएको थियो । एमेच्योरतर्फ सद्भाव आचार्यले उपाधि जित्दा प्रज्वल गुरूङ दोस्रो हुनुभएको थियो । आठ लाख ४० हजार कुल पुरस्कार राशि रहेको सूर्य नेपाल वेस्टर्न ओपनमा ३५ प्रोफेसनल र १५ एमेच्योर खेलाडीको सहभागिता रहेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच