काठमाडौं । साहित्यकार सुभाषचन्द्र पौडेल ‘भीमफेदीया’को संस्मरण, कथा-लघुकथा कृति ‘सम्झना बिर्सना’को लोकार्पण गरिएको छ । साहित्यिक पत्रकार संघको आयोजनामा काठमाडौंमा एक कार्यक्रमबीच प्रमुख अतिथि वरिष्ठ साहित्यिक पत्रकार रोचक घिमिरे अन्य अतिथिले उक्त कृतिको लोकार्पण गर्नुभएको हो । लोकार्पित कृतिबारे समालोचकहरू प्रमोद प्रधान र युवराज मैनालीले समीक्षा गर्नुभएको थियो ।
साहित्यकार डा.दामोदर पुडासैनी ‘किशोर’ले स्वागत गर्नुभएको कार्यक्रममा संघका अध्यक्ष राधेश्याम लेकाली, प्रमुख अतिथि घिमिरे, कृतिका स्रष्टा पौडेल, नेपाल स्रष्टा समाजका अध्यक्ष श्रीओम श्रेष्ठ ‘रोदन’, कथाकार एवं शब्दपथका प्रधान सम्पादक किशोर पहाडी, दायित्व वाङ्मय प्रतिष्ठानका अध्यक्ष रामप्रसाद पन्त, पत्रकार एवं कथाकार श्रीराम सिंह बस्नेत र लोकार्पित पुस्तकका प्रकाशक भुँडीपुराणका प्रमुख प्रतिनिधि केशव पराजुलीले आ-आफ्नो मन्तव्य राख्नुभएको थियो ।
कवि मुरारि सिग्देलले सञ्चालन गर्नुभएको कार्यक्रममा प्रमुख अतिथि घिमिरेलाई संघका अध्यक्ष लेकाली र पूर्वअध्यक्ष नरेन्द्रबहादुर श्रेष्ठले सम्मान गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच