काठमाडौं । नेकपा एकीकृत समाजवादीले नेकपा एमालेलाई राष्ट्रपति निर्वाचनमा सहयोग गर्न नसकिने जवाफ दिएको छ ।
राष्ट्रपतिको निर्वाचनमा सहयोगको माग गर्दै पत्र पठाएपछि एकीकृत समाजवादीले अवस्था धेरै अगाडि बढिसकेकाले सहयोग गर्न नसकिने तर, भावी दिनमा सहकार्य भने गर्न सकिने जवाफ दिएको छ ।
प्रचार विभाग प्रमुख जगन्नाथ खतिवडाले भन्नुभएको छ, ‘पत्रले औपचारिकरूपमा राजनीतिक संवादको ढोका खोलिदिएको छ । राष्ट्रपति निर्वाचनको सन्दर्भमा समय निकै अगाडि बढिसकेको हुँदा एमालेको अनुरोधलाई स्वीकार गर्ने स्थिति नभएता पनि सकारात्मक सोचका साथ राजनीतिक संवादको वातावरण निरन्तर रहिरहेमा एजेन्डाअनुसार सहकार्यको वातावरण निर्माण हुनसक्दछ ।’
यसअघि एमालेका अध्यक्ष केपी शर्मा ओलीले एकीकृत समाजवादीका अध्यक्ष माधवकुमार नेपाललाई सम्बोधन गर्दै लेखेको पत्रमा राष्ट्रपतिको निर्वाचनमा सहयोग गर्न भनिएको छ । फागुन २५ गते हुने राष्ट्रपतीय निर्वाचनमा रामचन्द्र पौडेल र सुवासचन्द्र नेम्वाङबीच प्रतिस्पर्धा हुँदैछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच