काठमाडौं । राप्रपाका प्रवक्ता मोहनकुमार श्रेष्ठले आफूहरुले सडक, संसद र सरकार आफ्नो आवश्यकता अनुसार उपयोग गर्ने बताउनु भएको छ ।
माओवादी सांसद माधव सापकोटाले आईतवारको प्रतिनिधि सभा बैठकमा बोल्दै राप्रपातिर लक्षित गर्दै पाएको बेलामा मन्त्री बन्ने, संविधानकै माध्यमबाट बनेको प्रदेशमा सभामुख बन्ने तर अहिले पुनः संविधानकै बिरोध गर्ने गरेको भन्दै आपत्ति जनाएपछि प्रवक्ता श्रेष्ठले सामाजिक सञ्जालबाट यस्तो बताउनु भएको हो ।
सापकोटाले संविधानले दिएको सेवा सुविधा लिएर संविधानको बिरोध गर्न नमिल्ने बताउनु भएको थियो । उहाँले संविधान र अहिलेको व्यवस्थाको विकल्प राजा र राजावादी दलहरु हुन नसक्ने समेत बताउनु भएको थियो ।
यसअघि शुक्रवार प्रतिनिधिसभा बैठकमा सांसद सापकोटाले राष्ट्रिय प्रजातन्त्र पार्टी (राप्रपा) का सांसद ज्ञानेन्द्र शाहीको राजीनामा समेत माग्नुभएको थियो । शाहीको नाम नलिइकनै सापकोटाले संसदीय मर्यादाविपरीतका गतिविधि गर्नेलाई राजीनामा गरेर जाने छुट रहेको बताउनु भएको थियो ।
आइतवार प्रतिनिधिसभा बैठकमा फेरि सांसद सापकोटाले भन्नुभएको थियो, ‘पाइहाल्दा मन्त्री पनि भइहाल्ने, यही संसदको लोगो लगाएर भएभरको सम्पूर्ण सेवासुविधाहरु लिने, फेरि यही व्यवस्थाको बिरोध गर्ने, यो कति नैतिक छ । यो व्यवस्थाको विकल्प यो भन्दा उन्नत प्रकारको यो व्यवस्थाभित्र रहेको सीमा र कमीजोरीहरुबारे यो संसदमा मज्जाले बहस गर्न सकिन्छ, यो व्यवस्थाका बारेमा र यो संविधान भन्दा माथि गएर यो संविधानलाई ध्वंस गर्नेगरी बहस गर्ने अधिकार कसैलाई छैन ।’
त्यसको प्रतिउक्तरमा राप्रपा श्रेष्ठले राप्रपा वर्तमान संविधानका प्रति आलोचनात्मक दृष्टिकोण राख्ने र संविधानका आधारभूत विषयमाथि आफ्नो विमति रहेको बताउनु भएको छ । उहाँले सांसद सापकोटालाई बोलीमा लगाम लगाउन समेत भन्नुभएको छ ।
'जनसमर्थनका आधारमा शान्तिपूर्ण ढंगबाट आफ्नो मान्यता स्थापित गर्न सकिन्छ भनेर घोषित रुपमै प्रयासरत पनि छौं। जुन अधिकार संविधानले हामीलाई मात्र होइन सबैलाई प्रदान गरेको पनि छ। आवश्यकता अनुसार कुन रणनीति प्रयोग गर्ने हाम्रो आन्तरिक मामिला हो । सडक, संसद र सरकार हामी हाम्रो आवश्यकता अनुसार उपयोग गर्छौं। बोल्दा मर्यादा राख्नोस् ।' उहाँले भन्नुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच