काठमाडौं । बैंक तथा वित्तीय संस्थालाई एपिआई म्यानेजमेन्ट सिस्टम-एपिआइएमएस उपलब्ध गराउँदै आएको वान प्वाइन्ट फाइनान्सियल सर्भिसेस र नेपाल क्लियरिङ हाउस(एनसिएचएल) बीच क्रस बोर्डर अर्थात् अन्तरदेशीय डिजिटल भुक्तानी सहज बनाउने सम्झौता भएको छ । सम्झौतापत्रमा वान प्वाइन्टका प्रमुख कार्यकारी अधिकृत श्रीप्रताप श्रेष्ठ र एनसिएचएलका प्रमुख कार्यकारी अधिकृत निलेशमान सिंह प्रधानले हस्ताक्षर गर्नुभएको हो । सम्झौताअनुसार नेपाल क्लियरिङ हाउसमार्फत् हुने क्रस बोर्डर भुक्तानी प्रणाली सञ्चालन गर्न वान प्वाइन्ट फाइनान्सियल सर्भिसेस कार्यान्वयन साझेदार हुनेछ ।
जसका लागि वान प्वाइन्टले भारतको नेसनल पेमेन्ट कर्पोरेसन (एनपिसिआई) को स्ट्याण्डर्डअनुसार विकास गरेको भर्चुअल पेमेन्ट एड्रेस भिपिए मोड्युल नेपालका बैंक तथा वित्तीय संस्थालाई प्रदान गर्नेछ भने भारतसँगको कर्स बोर्डर भुक्तानीका लागि भारतको नेसनल पेमेन्ट कर्पोरेसनसँग नेपाल क्लियरिङ हाउसले नेपालका बैंक वित्तीय संस्थाको स्विचका रूपमा काम गर्नेछ । हालसम्म १३ वाणिज्य बैंकसहित कुल १८ बैंक तथा वित्तीय संस्थालाई वान प्वाइन्टले डिजिटल प्रणाली उपलब्ध गराउँदै आएको छ । जसमा ग्लोबल आइएमई बैंक, नबिल बैंक, एभरेस्ट बैंक, माछापुच्छ्रे बैंक, लक्ष्मी सनराइज बैंक, कुमारी बैंक, सिद्धार्थ बैंक, एनएमबी बैंक, सिटिजन्स बैंक, नेपाल बैंक, राष्ट्रिय वाणिज्य बैंक, कृषि विकास बैंक र नेपाल इन्भेस्टमेन्ट मेगा बैंक रहेका छन् । त्यस्तै, आइएमई रेमिट, जिएमई रेमिट, थैली, छिटो पैसालगायतले पनि वान प्वाइन्टको डिजिटल प्लाटफर्म प्रयोगमा ल्याएका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच