काठमाडौं । लुम्बिनी प्रदेशको बुटवलमा अत्याधुनिक मासु प्रशोधन केन्द्र(स्लटर हाउस) र कोल्ड स्टोरेज निर्माण हुने भएको छ । श्रीनगर एग्रिटेक इण्डष्ट्रिज लिमिटेडले १८ करोड लगानीमा बुटवल औद्योगिक क्षेत्रभित्र उक्त पूर्वाधार निर्माण कार्य अघि बढाएको हो । आगामी वैशाखभित्र मासु प्रशोधन तथा कोल्ड स्टोरेज सञ्चालन गर्ने गरी निर्माण कार्य अघि बढाइएको कम्पनीका अध्यक्ष सतिशचन्द्र श्रेष्ठले बताउनुभयो ।
लुम्बिनी प्रदेशमा श्रीनगरका हृयाचरी तथा दाना उद्योगहरू सञ्चालनमा छन् । मुख्य उद्योग रूपन्देहीको शुद्धोधन गाउँपालिकामा रहेको छ, जहाँ चल्ला, अण्डा उत्पादन हुन्छ । चल्ला किसानलाई बिक्री गर्ने गरिएको र किसानले पालेको चल्ला खानयोग्य हुने भएपछि उनीहरूबाटै खरिद गरी मासु प्रशोधन र बिक्री गर्ने लक्ष्य रहेको उहाँले बताउनुभयो ।
मासु प्रशोधन उद्योगबाट दैनिक तीन हजार कुखुरा अर्थात् छ हजार केजी मासु तयार गरी बजारमा पठाउने लक्ष्य रहेको र कोल्ड स्टोरको क्षमता दुई सय टनको हुने पनि श्रेष्ठले जानकारी दिनुभयो ।
मासु प्रशोधन उद्योगबाट फ्रोजन मिट साथै बोनलेस, विथ बोन, किमा, ससेज, विंग्सलगायत उपलब्ध हुने कम्पनीले जनाएको छ । नेपाल गुणस्तर (एनएस) चिहृन लिएर प्रशोधन केन्द्र सञ्चालनमा ल्याउने सोचका साथ काम सुरु गरिएको कम्पनीले जनाएको छ । प्रशोधन तथा कोल्ड स्टोरका लागि कम्पनीले चीन र भारतबाट सेमी अटोमेटिक प्लान्ट ल्याउने प्रक्रिया अघि बढाएकाले वैशाखभित्रै बजारमा प्रशोधित मासु पठाउने लक्ष्य रहेको कम्पनीका प्रबन्ध निर्देशक मौसमी श्रेष्ठले बताउनुभएको छ । नेपालमै पहिलोपटक अण्डाको झोल बिक्री गर्ने योजना पनि कम्पनीको रहेको छ । अण्डाको झोल ग्यालेन र बोतलमा उपलब्ध हुने श्रेष्ठले बताउनुभयो । सन् २००२ मा स्थापना भएको कम्पनीमा हाल तीन सयजनाले रोजगारी पाएका छन् भने एक सय ५० कुखुरा पालक किसानसँग प्रत्यक्ष जोडिएर काम गरिरहेको कम्पनीले जनाएको छ ।
फार्म, फिड तथा फुडको एकीकृत व्यापार विस्तार गर्दै आएको कम्पनीको केन्द्रीय कार्यालय काठमाडौंको टंगालमा छ । लुम्बिनी प्रदेशको पाल्पा र रूपन्देहीमा उद्योग छन् । कम्पनीको उत्पादन ४० भन्दा बढी जिल्लामा वितरण तथा खपत हुँदै आएकोमा प्रशोधित मासुको मुख्य बजार लुम्बिनी प्रदेशलाई लक्षित गरिएको जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच