काठमाडौं । कतिपय मानिसको निन्द्रामा बोल्ने अर्थात बर्बराउने आदत हुन्छ । यसरी निन्द्रामा बर्बराउनुलाई अंग्रेजीमा सोम्नीलोकी भनिन्छ । निन्द्रामा बर्बराउनु भनेको पर्याप्त निन्द्रा नपुग्नुको पनि संकेत हो ।
निन्द्रामा बर्बराउने मानिसहरु आफूले के बोले भनेर जानकार हुदैनन् तर उनीहरुको कुरा सुन्न भने अरुलाई रमाइलो हुन्छ । करीब १ प्रतिशत वयस्क मानिसमा निन्द्रामा बर्बराउने बानी हुने तथ्यांकले देखाएको छ ।
मस्त निन्द्रामा बोल्दा अवचेतन मनको रहस्य खोल्ने पनि हुनसक्छ । जसले गर्दा उनीहरु निकै चिन्तित पनि हुने गर्छन् । यो समस्या लिएर डाक्टरकहाँ पनि पुग्ने गर्छन् ।
मानिसमा हुने तनाव, थकान, विचलन, मादक पदार्थको सेवन तथा ज्वरोले समेत बर्बराउने गर्छन् ।
यस्ता छन् कारण
-निद्रामा बर्बराउनु एक किसिमको समस्या हो । कतिपयले यसलाई मानसिक समस्यासँग जोडेर हेरेको पाइन्छ, जुन गलत हो । सामान्यतया, निदाएको वेलामा मस्तिष्क सक्रिय रहने भएकाले निद्रामा झस्किने र बर्बराउने हुन्छ ।
-कतिपय अवस्थामा मानसिक तनावका कारण निद्राबाट बारम्बार झस्किएर सुत्न गाह्रो हुने समस्या हुन्छ । यस्तो समस्या भएमा बर्बराउने, बीचबीचमा ब्यूँझिने, डर लाग्ने, उठ्दा पसिनै–पसिना हुने र सास फेर्न गाह्रो हुने हुन्छ ।
-कुनै ठूलो दुर्घटनामा परेका वा बलात्कारजस्ता घटनाका पीडितमा यस्तो समस्या हुन सक्छ ।
-अत्यधिक रक्सी तथा लागुऔषध सेवन गरेमासमेत यस्तो समस्या हुन सक्छ ।
निन्द्रामा बर्बराउनु कुनै रोग होइन, बरु यसबाट छुटकारा पाउन शरीरलाई आराम दिने तथा मन प्रफुल्लित बनाउने गर्नु पर्दछ ।
पत्रपत्रिकाको सहयोगमा
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच