काठमाडौं । एपिएफका प्रिन्स दाहाल र ललितपुरका प्रफुल महर्जन पुनः एक पटक लि-निंग १३औं पुष्पलाल स्मृति राष्ट्रिय र्यांकिंग ब्याडमिन्टन प्रतियोगिता २०८० को उपाधिका लागि भिड्ने हुनुभएको छ । पुष्पलाल स्मृतिको अघिल्लो संस्करणमा प्रफुललाई पछि पारेका प्रिन्स तेश्रो प्रधानमन्त्री कपमा प्रफुलसँग पराजित हुनुभएको थियो । त्यस यता ललितपुर जिल्ला ब्याडमिन्टन संघले आयोजना गरेको दोस्रो मेयर कप र स्पोर्टस् हवद्वारा आयोजना गरिएको प्रथम प्रकास दाहाल स्मृति राष्ट्रिय ब्याडमिन्टन प्रतियोगितामा प्रफुललाई पराजित गर्र्दै प्रिन्सले उपाधि जित्नुभएको थियो ।
शीर्ष आठ पुरुष एकल क्वार्टरफाइनल खेलमा प्रिन्सले एपीएफकै देवराज रानालाई २१-७, २-१२ ले पराजित गर्दै फाइनलमा प्रफुलसँगको भेट पक्का गर्नुभएको थियो । प्रफुलले नेपाल पुलिस क्लबका सुनिल जोशीलाई २१-१४, २१-१३ ले पराजित गर्दै फाइनल यात्रा तय गनुृभएको हो ।
नेकपा एमालेको भ्रातृसंस्था नेपाल खेलकुद महासंघ अन्तर्गतको राष्ट्रिय ब्याडमिन्टन संघ, नेपालको आयोजनामा भएको प्रतियोगिताको महिला एकलको प्रतिस्पर्धामा ललितपुरकी रसिला महर्जनले नेपाल पुलिस क्लबकी निता लम्साललाई पराजित गर्दै फाइनल प्रवेश गर्नुभयो । फाइनल प्रवेश गर्ने क्रममा रसिलाले नीलामाथि २१-१६, २१-१६ को समान अन्तरको जित निकाल्नुभएको हो । अब रसिलाले उपाधिका लागि भोजपुरकी नंगशल तामाङसँग प्रतिस्पर्धा गर्नुहुनेछ ।
नंगशलले ११औं र १२औं संस्करणकी बिजेता आर्मीकी अनुमाया राईलाई २१-१४, २४-२२ को जित निकाल्दै फाइनलमा रसिला संगको भेट पक्का गर्नुभएको हो ।
यसैगरी मास्टर्स ४५ वर्षमाथिको युगल प्रतिस्पर्धामा रिभाइभका सुक्र पाख्रिन र भीमबहादुर थापाको जोडी तथा पिस फिटनेश सेन्टरका सञ्जय कपाली र अनिल थामसुहाङको जोडी उपाधिका लागि भिड्ने भएका छन् । सुक्र र भीमको जोडीले ललितपुरका मधु गुरुङ र प्रकाश राईको जोडीलाई १०-२१, २-१६, २१-१८ ले तथा सञ्जय र अनिलको जोडीले पाँचथरका दीपक आङ्दम्बे र कुश्माका प्रेम गुरुङको जोडीलाई २२-२०, २१-८ ले पराजित गर्दै फानल प्रवेश गरेका हुन् ।
मास्टर्स ५५ वर्षमाथिको प्रतिस्पर्धामा पिस फिटनेश सेन्टरका गणेश राई र कर्णबहादुर शाहीको जोडीले फिटनेश पार्कका पुर्ण जोशी र उमेश केसीको जोडीलाई २१-१९, २६-२४ ले पराजित गर्दै उपाधिका लागि गुल्मीका राम गुरुङ र खगेन्द्र रेग्मीको जोडीसँगको भेट पक्का गरेका छन् । गुरुङ र राईको जोडीले ललितपुरका दिल कन्दरुङ्वा र एपीएफका प्रेम श्रेष्ठको जोडीलाई २०-२२, २१-१८, २१-७ ले पराजित गर्दै उपाधि निकट पुगेका हुन् ।
ब्याडमिन्टन संघले प्रिन्सलाई बाइकले सम्मान गर्ने
राष्ट्रिय ब्याडमिन्टन संघले आफ्नो पूर्वघोषणा अनुरूप नेपालका नम्बर एक खेलाडी एवं पूर्वविश्व जुनियर नम्बर एक खेलाडी प्रिन्स दाहाललाई मोटरसाइकलले सम्मान गर्ने भएको छ । १३औं पुष्पलाल स्मृति ¥यांकिङ राष्ट्रिय ब्याडमिन्टन प्रतियोगिताको अनितम दिन शनिबार प्रिन्सलाई सम्मान गर्न लागिएको हो । संघले पुष्पलाल स्मृति राष्ट्रिय ब्याडमिन्टन प्रतियोगिताको लगातार तीन संस्करणको विजेतालाई मोटरसाइकलले सम्मान गर्ने घोषणा अनुरुप यस पटक प्रिन्सलाई सम्मान गर्न लागेको हो । प्रिन्स पुष्पलाल स्मृति ब्याडमिन्टनको १०औं, ११औं र १२औं संस्करणका विजेता हुनुहुन्छ । यसअघि यो सम्मानबाट रत्नजित तामाङ र नङ्शलदेवी तामाङ सम्मानित भइसक्नुभएको छ ।
खेलाडीहरूका लागि बीमा
राष्ट्रिय ब्याडमिन्टन संघ, नेपालले पहिलो पटक खेलाडीहरूका लागि बीमाको ब्यवस्था गरेको छ । संघले लि–निङ १३औं पुष्पलाल स्मृति राष्ट्रिय ¥यांकिङ ब्याडमिन्टन प्रतियोगितामा प्रतिस्पर्धा गरिरहेका खेलाडीहरूका लागि पाँच लाख बराबरको दुर्घटना बीमा गरेको संघका सचिव पूर्णभक्त चित्रकारले जानकारी गराएका छन् ।
चित्रकारका अनुसार प्रतियोगिताका दौरान हुने दुर्घटनालाई मध्यनजार राख्दै खेलाडीहरूको दुर्घटना भएको खण्डमा उपचारका लागि खेलाडीले उक्त बीमा उपयोगमा ल्याउन सक्ने छन् । प्रतियोगितामा कुल २७४ खेलाडीहरूको सहभागिता रहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच