काठमाडौं । नेपाल आर्मी र आयोजक मदन भण्डारी स्पोर्ट्स एकेडेमी प्रथम मदन भण्डारी कप राष्ट्रिय महिला हक्की प्रतियोगिताको फाइनलमा प्रवेश गरेका छन् । जनकपुरमा भइरहेको प्रतियोगिताको पहिलो सेमिफाइनलमा आर्मीले लुम्बिनी प्रदेशलाई ६-० गोलले पराजित गर्यो । सीतामाया बलले हृयाट्रिक गर्नुभयो भने ‘प्लेयर अफ द म्याच’ सीमा खड्का, मनिषा राणा र कमला चन्दले समान १-१ गोल थप्नुभयो ।
दोस्रो सेमिफाइनलमा आयोजक एकेडेमीले सुदूरपश्चिमलाई ४-३ गोलले हरायो । एकेडेमीका शोभा शर्माले २ तथा मधु राई र सुनिता नेगीले समान १-१ गोल गर्नुभयो । सुदूरपश्चिमका गंगा भट्टले २ तथा नमिता एसकेले १ गोल गर्नुभयो । एकेडेमीकी सपना सिंह ‘प्लेयर अफ द म्याच’ घोषित हुनुभयो ।
लुम्बिनी र सुदूरपश्चिमले शनिबार तेस्रो स्थानका लागि खेल्ने छन् । आर्मी र एकेडेमीबीचको उपाधि भिडन्त आइतबार हुनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच