काठमाडौं । विश्व जुनियर नम्बर एक रहिसक्नुभएका नेपालका नम्बर एक खेलाडी प्रिन्स दाहाललाई राष्ट्रिय ब्याडमिन्टन संघले रोयल इनफिल्ड हन्टर ३५० बाइकसहित सम्मान गरेको छ । संघको पूर्वघोषित कार्यक्रमअनुरूप प्रिन्सलाई उक्त बाइकले सम्मान गरको हो । संघले पुष्पलाल स्मृति राष्ट्रिय र्याङ्किङ प्रतियोगिताको लगातार तीन संस्करणमा विजय हासिल गर्ने खेलाडीलाई मोटरसाइकल प्रदान गर्ने घोषणा गरेको थियो ।
यस सम्मानबाट हालसम्म रत्नजित तामाङ र नङशल तामाङ सम्मानित भइसक्नुभएको छ । यसपटक सशस्त्र प्रहरीको एपिएफ क्लबका प्रिन्स दाहालले फाइनलमा ललितपुरका प्रफुल महर्जनमाथि २१-१८, २२-२० को संघर्षपूर्ण जित निकाल्दै चौथोपटक उपाधि जित्नुभएको हो । तेस्रो स्थानमा एपिएफका देवराज राना र नेपाल पुलिसका सुनिल जोशी रहनुभएको थियो ।
शीर्ष आठको महिला एकलतर्फ ललितपुरकी रसिला महर्जनले जित हात पार्नुभयो । रशिलाले भोजपुरकी नङशल तामाङलाई १७-२१, २१-१५, २२-२० को संघर्षपूर्ण खेलमा पराजित गर्नुभयो । तेस्रो स्थानमा आर्मीकी अनुमाया राई र नेपाल पुलिसकी निता लम्साल रहनुभयो । विजेताले नगद ५० हजार, उपविजेताले नगद ३० हजार र तृतीय स्थान प्राप्त गर्नेले नगद १२ हजार पाँच सयसहित मेडल, ट्रफी र प्रमाणपत्र प्राप्त गरे ।
पुरुष शीर्ष आठबाहेकको उपाधि भने एपिएफका क्षितिज खनालले हात पार्नुभयो । खनालले फाइनलमा नखिपोटका विवेक चौधरीलाई २१-१६, १७-२१, २१-१५ ले पराजित गर्दै उपाधि उचाल्नुभएको हो । तेस्रो स्थानमा आर्मीका पविन लिङथेप र एपिएफका रोशन साउद रहनुभयो ।
यस्तै, यसै विधाको महिलातर्फको खेलमा कास्कीकी दिलाशा रानाले जित हात पार्नुभयो । उहाँले बेलटार ब्याडमिन्टन एकेडेमीकी रोजी राईलाई २१-१४, २१-१३ ले पराजित गर्नुभएको हो । तेस्रो स्थानमा नेपाल पुलिसकी सुष्मा श्रेष्ठ र पोखरा स्पोर्ट्स ब्याडमिन्टन सेन्टरकी आयुष्मा नेपाल रहनुभयो ।
चन्द्रागिरिस्थित महांकाल ब्याडमिन्टन क्लबको कभर्डहलमा भएको प्रतियोगिताको पुरुष युगलतर्फ एपिएफका प्रिन्स दाहाल र विजित थापा मगर तथा ललितपुरका प्रफुल महर्जन र आर्मीका सुरोज महर्जनको जोडीबीच भएको प्रतिस्पर्धामा प्रिन्स र विजितको जोडीले जित हात पा¥यो । प्रिन्स र विजितको जोडीले २१-७, २२-२४ र २१-१२ को जित हात पारेको हो । तेस्रो स्थानमा पाँचथरका दिवस शंकर र भोजपुरका विशाल तामाङ तथा नेपाल पुलिस क्लबका जीवन आचार्य र विष्णु कटुवालको जोडी रहेको छ ।
महिला युगलतर्फ आर्मीकी अमिता गिरी र ललितपुरकी रसिला महर्जनले जित हात पार्दै उपाधि उचाल्नुभयो । गिरी र महर्जनको जोडीले आर्मीकी अनुमाया राई र मोरङकी सीमा राजवंशीलाई २१-१९, २१-१२ ले पराजित गरेको हो । तेस्रो स्थानमा कास्कीका शितल केसी र अनु राना तथा एपिएफकी शोभा गौचन र नेपाल पुलिसकी निता लम्साल रहनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच