काठमाडौं । आगामी चैत ९ गतेदेखि सिनेमाघरमा आउने तयारीमा रहेको चलचित्र ‘महाजात्रा’को ट्रेलर सार्वजनिक गरिएको छ । ‘जात्रा’को तेस्रो श्रृंखला ‘महाजात्रा’को आइतबार काठमाडौंमा एक कार्यक्रमबीच तीन मिनेट ४४ सेकेण्डको ‘कमेडीयुक्त’ ट्रेलर सार्वजजनिक गरिएको हो ।
सार्वजनिक ट्रेलरमा तीन पात्र विपिन कार्की, रविन्द्र सिंह बानियाँ र रविन्द्र झाले एक गाडी पैसा लुकाउने जिम्मा पाएपछिको उतारचढावलाई चित्रण गरिएको छ । आपत्कालीन रूपमा आइपर्ने पैसा व्यवस्थापन गर्ने अवसर र त्यसले निम्त्याउने समस्या चलचित्रको मुख्य कथानक हो ।
अभिनेता हरिवंश आचार्य नकारात्मक चरित्रमा हुनुहुन्छ । नेताको भूमिकामा रहनुभएका उहाँको कालो धन लुकाउन भएको तिकडम र त्यो पैसा खोज्न प्रहरीले गरेको दौडधुपमा ट्रेलर घुमेको छ । कालो धनलाई संरक्षण गर्न नेताले कस्तो तिकडम अपनाउँछन् भन्ने कथामा चलचित्र आधारित रहेको ट्रेलरले संकेत गर्छ । अपराधको पैसाले पिरोल्छ भन्ने सन्देश पनि ट्रेलरले दिन्छ । समग्रमा ट्रेलर रोचक छ ।
प्रदीप भट्टराईको लेखन तथा निर्देशन रहेको ‘महाजात्रा’मा वर्षा राउत, राजाराम पौडेल, दिव्यदेव, शिशिर वांगदेल, प्रकाश घिमिरे, अर्जुनजंग शाही, मोहन निरौलालगायतको अभिनय छ । चलचित्रको कार्यकारी निर्माता रविन्द्र सिंह बानियाँ हुनुहुन्छ भने म्याक्स दीपेश खत्री र यज्ञश्वर पौडेल निर्मातामा रहनुभएको छ । चलचित्रमा पुरुषोत्तम प्रधानको छायांकन छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच