कालीकोट । कर्णाली प्रदेशका प्रथम मुख्यमन्त्री महेन्द्रबहादुर शाहीले कालीकोटका नागरिकको आयस्रोत पहुँच वृद्धिका लागि जिल्लामा रहेको व्याप्त भ्रष्टचार अन्त्य गर्नुपर्ने बताउनुभएको छ ।
बुधबार कालीकोटको सदरमुकाम मान्ममा आयोजित ५ औँ जिल्ला सभालाई सम्बोधन गर्नुहुँदै नेता शाहीले जिल्लामा भएको भ्रष्टचार कम गर्न जिल्लाका सबै राजनीतिक दलहरु एकजुट भएर लाग्नुपर्ने बताउनुभएको हो ।
प्रतिनिधि सभा सदस्य समेत रहनुभएका नेता शाहीले जिल्ला भित्र भ्रष्टचार मौलाएको भन्दै यसलाई रोक्नको लागि सबै राजनीतिक दलहरु जोडतोडका साथ आ–आफ्नो ठाउँबाट लाग्नुपर्ने बताउनुभयो ।
फरक प्रसङ्गमा नेता शाहीले केहीँ समय अगाडी कालीकोटका नागरिकले प्लेन चढ्न सक्दैनन् भन्ने प्रसङ्गलाई धेरैले बङ्ग्याएर उल्टोअर्थ लगाएको भन्दै कालीकोटको वास्ताविकता नबुझेकाहरुले यसलाई बङ्ग्याएर जनतामा भ्रम छरेको बताउनुभयो । नेता शाहीले भन्नुभयो, 'मैले कालीकोटका जनताको आर्थिक स्तर हेरेर भनेको हुँ तर त्यसलाई केहीँ हुनेखाने बर्गका मानिसले यसलाई उल्टो अर्थमा बुझे, ‘उहाँले भन्नुभयो,’ ‘के साच्चै अहिलेको यो अबस्थामा हाम्रो आयश्रोतले कालीकोटका नागरिकले बायुसेवा निगमले तोके अनुसारको प्लेन भाडा तिरेर प्लेन चढ्न सक्छन् ?’
कालीकोटका नागरिकको सबैभन्दा ठुलो दुश्मन भनेको नै गरीबि भएकाले यसलाई अन्त्य गर्नका लागि सबैले आआफ्नो क्षेत्रबाट लाग्नुपर्ने बताउनुभएको हो । ‘पछिल्लो समय कमिसनको नाममा धेरैले सोझा नागरिकलाई दुख दिएको भन्दै कमिसन खानेहरु पत्ता लगाएर सबैले सार्वजनिक गर्नु पर्छ, यसका लागि सबैभन्दा पहिला राजनीतिक दलहरु सक्रिय हुनु पर्छ उहाँले भन्नुभयो ।’
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच