काठमाडौं । राष्ट्रिय स्वतन्त्र पार्टी(रास्वपा)का सांसद विराजभक्त श्रेष्ठ युवा तथा खेलकुदमन्त्रीमा नियुक्त हुनुभएको छ । राष्ट्रपति रामचन्द्र पौडेलबाट उहाँले बुधबार साँझ पद तथा गोपनीयताको सपथ ग्रहण गर्नुभयो । नयाँ सत्ता गठबन्धन बनेसँगै रास्वपाले युवा तथा खेलकुद मन्त्रालयसँगै चार मन्त्रालय पाउने सहमति भएको थियो । जसअन्तर्गत रास्वपाले खेलकुद मन्त्रालयमा श्रेष्ठलाई पठाउने निर्णय गरेको हो ।
विराज राष्ट्रिय स्वतन्त्र पार्टीबाट काठमाडौं क्षेत्र नम्बर ८ बाट प्रतिनिधिसभा सांसद हुनुहुन्छ । उहाँ १० हजार १०५ मत ल्याएर विजयी हुनुभएको थियो । उहाँका निकटतम प्रतिद्वन्द्वी हाम्रो नेपाल पार्टीका सुमन सायमीले ६ हजार १७४ मत ल्याउँदा तत्कालीन बहालवाला मन्त्री तथा एकीकृत समाजवादीका जीवनराम श्रेष्ठ तेस्रो बन्नुभएको थियो ।
संयोगले श्रेष्ठ नेपाल ओलम्पिक कमिटीको पनि अध्यक्ष हुनुहुन्छ । मन्त्री श्रेष्ठले अब आफूले नै पराजित गरेका श्रेष्ठसँग खेलकुदको विकासका लागि सहकार्य गर्नुपर्नेछ । सामाजिक अभियानहरूबाट राजनीतिमा लाग्नुभएका श्रेष्ठ विवेकशील नेपाली दल हुँदै विवेकशील साझा पार्टीको बागमती प्रदेश सांसद बन्नुभएको थियो । त्यसपछि रास्वपामा लाग्नुभएका उहाँले पहिलो प्रयासमा संघीय सांसदमा जित हात पार्नुभएको हो ।
काठमाडौंको इन्द्रचोकमा जन्मिनुभएका विराजभक्तले यसअघि पनि आफूलाई मन्त्री बन्ने अवसर आए युवा तथा खेलकुद मन्त्रालयमा जाने इच्छा व्यक्त गर्दै आउनुभएको थियो । संयोगले उहाँले उक्त मन्त्रालयको नै जिम्मेवारी पाउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच