काठमाडौं । टाइम्स ‘ए’ र ललितपुर ‘ए’ ले थ्री एक्स थ्री बास्केटबल प्रतियोगिताको उपाधि जितेका छन् । टाइम्स पुरुष तथा ललितपुर महिलामा च्याम्पियन बने । त्रिपुरेश्वरस्थित राष्ट्रिय खेलकुद परिषद्को सेमी कभर्डहलमा भएको पुरुष फाइनलमा टाइम्सले नेपाल आर्मी ‘बी’ लाई २१–१७ ले पराजित गर्यो । उपाधिसँगै टाइम्सले १ लाख नगद पुरस्कार हात पार्यो भने आर्मीले ५० हजार नगद पुरस्कारमा चित्त बुझायो ।
महिलाको उपाधि भिडन्तमा ललितपुरले आइआइएमएसलाई १७-१४ ले हरायो । ललितपुरले ५० हजार तथा आइआइएमएसले २५ हजार नगद पुरस्कार पाए । नेपाल बास्केटबल संघ र थ्री एक्स थ्री नेपाल बास्केटबलद्वारा संयुक्तरूपमा आयोजित प्रतियोगिताको पुरुषमा मनिष केसी तथा महिलामा गरिषा सिलवाल ‘मोस्ट भेलुएबल प्लेयर’ घोषित हुनुभयो । उपाधि विजेता टोलीका दुवैले जनही १५ हजार नगद पुरस्कार हात पार्नुभयो ।
विजेतालाई नेपाल बास्केटबल संघका अध्यक्ष भीमसिंह गुरुङ, महासचिव नरेन्द्र थापालगायतले एक कार्यक्रमबीच पुरस्कृत गर्नुभयो । तीनदिने प्रतियोगिताको पुरुषमा ३२ तथा महिलामा आठ गरी ४० टिमले प्रतिस्पर्धा गरेको थ्री एक्स थ्री नेपाल बास्केटबलका संयोजक शरद विष्टले जनाउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच