दाङ । नेपाली कांग्रेसले लुम्बिनीमा आफ्नै नेतृत्वको सरकारलाई कामयमै राख्ने रणनीति अवलम्वन गरेको छ । नेकपा माओवादी केन्द्रले समर्थन फिर्ता लिएपछि अल्पमतमा परेको लुम्बिनी प्रदेश सरकारलाई टिकाउन मुख्यमन्त्री तथा कांग्रेस संसदीय दलका नेता डिल्लीबहादुर चौधरीले साना दलसँग आग्रह गर्दै आउनु भएको छ ।
वैशाख १४ गते मुख्यमन्त्री बन्नुभएका चौधरीलाई यहाँ रहेका १० दलमध्ये एमाले र राप्रपाबाहेक ८ दलले समर्थन गरेका थिए ।
आफ्नो नेतृत्वको सरकारको बचाउका लागि अन्य दलसँग सहकार्यको वातावरण निर्माण गर्न भन्दै कांग्रेसले गठबन्धनले बहुमत सहितको हस्ताक्षर प्रदेश प्रमुखलाई बुझाएर नयाँ सरकार गठनको बाटोमा लागि कस्तो रणनीति बनाउने ? भन्ने टुङ्गो लगाउने छ ।
कांग्रेसले प्रदेश तहको राजनीतिक समीकरण निर्माणका लागि प्रदेश समितिलाई स्वायत्तता दिए पछि यो बाटो खुलेको नेपाली कांग्रेस लुम्बिनी प्रदेश सभापति अमरसिंह पुनले बताउनुभयो । प्रदेश सभापति पुनका अनुसार प्रदेश तहको निर्णयको अधिकार प्रदेश समितिलाई दिने र आवश्यक परेको खण्डमा केन्द्रले समन्वय गरिदिने निष्कर्षमा कांग्रेस पुगेको छ । उहाँका अनुसार प्रदेशलाई पार्टीले स्वायत्तताको अधिकार दिएको छ ।
केन्द्रीय पदाधिकारी, पूर्व पदाधिकारी तथा प्रदेश सभापतिसँग भएको छलफलले प्रदेश तहको समीकरण निर्माण गर्ने निर्णयको अधिकार प्रदेश समितिलाई दिए संगै कांग्रेसले प्रदेश तहमा समीकरण निर्माण गर्दा केन्द्रीय राजनीतिक समीकरणलाई नहेर्ने बताएको छ । ‘प्रदेश तहको आवश्यकतालाई मध्यनजर गरेर कुन दलसँग सहकार्य गर्दा उपयुक्त हुन्छ, कसरी सहकार्य गर्दा कांग्रेस नेतृत्वको सरकार जोगिन्छ, हामीले यसै अनुरूप सहकार्यको बाटो खोज्ने छौँ’, नेपाली कांग्रेस लुम्बिनी प्रदेश सभापति पुनले भन्नुभयो, ‘केन्द्रमा बनेको गठबन्धनमा आबद्ध दलसँग पनि यहाँ सहकार्यको बाटो खोजिने छ ।' पहिलो विकल्पमा अहिले कांग्रेससँगको सहकार्यमा कायमै रहेका दलसँगको सहकार्यलाई मजबुत बनाइने बताउँदै सभापति पुनले प्रदेशको सत्ता समीकरण निर्माणका लागि केन्द्रमा बनेको सत्ता समीकरणमा आबद्ध दलसँग पनि सहकार्य गरेर जान सकिने बताउनुभयो ।
‘प्रदेश नेतृत्वको वर्तमान सरकारमा सहभागी र समर्थनमा रहेका दलसँगको कार्यगत एकतालाई प्राथमिकतामा राखेका छौँ’, सभापति पुनले भन्नुभयो, ‘यससँगै अन्य दलसँग पनि कार्यगत एकताका लागि पहल थालिने छ ।’
यसैबीच गत शनिवार राति बुटवलको पौवा होटलमा नागरिक उन्मुक्तिका नेता रेशम चौधरी र मुख्यमन्त्री चौधरीबीच मन्त्री थप्ने सहमति समेत भएको थियो । तर आइतबार नै शपथका लागि प्रदेश प्रमुख अमिक शेरचन काठमाडौं भएकाले तत्कालका लागि रोकिएको थियो ।
नेपाली कांग्रेसले बहुमत पुराउन एमाले, माओवादी, बाहेकका सबै शक्ति आवश्यक पर्छ । ८७ सदस्यीय प्रदेशसभामा राप्रपाका जानकीप्रसाद यादव भ्रष्टाचार मुद्दामा निलम्बन भएपछि ८६ सदस्य कायम छन्।
लुम्बिनीमा एमालेका २९, माओवादीका सभामुख सहित ११, जसपाका ३, एकीकृत समाजवादी र स्वतन्त्र १–१ गरी ४५ सदस्य छन् । त्यस्तै कांग्रेसका २७, नागरिक उन्मुक्तिका ४, लोसपा र जनमतका ३–३ र जनमोर्चाका १ जना सांसद छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच