काठमाडौं । पहिलो मैत्रीपूर्ण अभ्यास खेलमा मलेसियासँग नेपाल पराजित भएको छ । युनिभर्सिटी टेक्नोलोजी मारा स्टेडियममा भएको खेलमा नेपाल ५-१ को भारी अन्तरले पराजित भएको हो । अभ्यासका लागि खेलाइएको यस खेल ३५ मिनेटको चारवटा भागमा खेलाइएको थियो । पहिलो ३५ मिनेटमा दुई गोल बेहोरेको नेपालले पछिल्लो १०५ मिनेटमा थप तीन गोल खायो । नेपालका लागि समिर तामाङले एक गोल फर्काउनुभयो ।
फिफा विश्वकप छनोटअन्तर्गत बहराइनविरुद्धको खेलअघि नेपालले यो अभ्यास खेल खेलेको हो । अब नेपाल बहराइन प्रस्थान गर्नेछ ।
दशरथ रंगशालामा हुनुपर्ने बहराइनविरुद्धको खेल भने मैदान खेल्नका लागि अयोग्य भएपछि बहराइनमै हुन लागेको हो । नेपालले पहिलो खेल मार्च २१ मा र दोस्रो खेल मार्च २६ मा खेल्नेछ । दुवै खेल बहराइन नेसनल स्टेडियममा हुनेछन् ।
नेपाली फुटबल टोलीको गोलकिपरमा किरण चेम्जोङ, अभिषेक बराल, विशाल सुनार, डिफेन्डरमा अभिषेक लिम्बू, अजय चौधरी, अनन्त तामाङ, छिरिङ लामा, सनिश श्रेष्ठ, सौभाग्य राई (सन्जित) र सुमित श्रेष्ठ हुनुहुन्छ ।
यस्तै, मिडफिल्डरमा भरत खवास, विशाल बस्नेत, लाकेन लिम्बू, मणिकुमार लामा, मनिष डाँगी, रोहन कार्की र उत्सव राई तथा फरवार्डमा अञ्जन विष्ट, दिनेश हेन्जन, हिसुब थपलिया, समिर तामाङ, सञ्जीव विष्ट र जिलेस्पीजंग कार्की हुनुहुन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच