सवल जल सुरक्षा र जलवायु उत्थानशीलताका लागि भन्ने नाराका साथ सोमबारदेखि काठमाडौंमा क्षेत्रीय अन्तर्राष्ट्रिय सम्मेलन आयोजना हुने भएको छ । वर्षातको पानी संकलन र व्यवस्थापनसम्बन्धी उक्त क्षेत्रीय अन्तर्राष्ट्रिय सम्मेलन नेपालमा हुने भएको हो । बढ्दो पानी अभाव र अधिक वर्षाका कारण हुने क्षति न्यूनीकरणका उपाय खोज्न स्मार्ट वास सोलुसन्स प्रालि र एसएनभी नेपालले विभिन्न राष्ट्रिय तथा अन्तर्राष्ट्रिय संस्थासँगको सहयोग र समन्वयमा सम्मेलन आयोजना गरेका हुन् ।
सम्मेलनबारे जानकारी दिन आयोजित पत्रकार सम्मेलनमा स्मार्ट वास सोलुसन्सका अध्यक्ष ई. रामदीप साहले सम्मेलनमा वर्षातको पानी संकलन तथा आपूर्तिका क्षेत्रमा काम गरिरहेका राष्ट्रिय तथा अन्तर्राष्ट्रिय सरकारी र गैरसरकारी संस्थाका प्रतिनिधि, विज्ञ र वैज्ञानिक, विश्वविद्यालयका प्राज्ञ तथा खानेपानीका क्षेत्रमा अध्ययन र अनुसन्धान गरिरहेका विद्यार्थी, पानी आपूर्ति उद्योग सञ्चालक, खानेपानी र सिँचाइका लागि पानी आपूर्ति गर्न अग्रसर जनप्रतिनिधि, खानेपानी तथा सिँचाइ उपभोक्ता समितिका प्रतिनिधिलगायतको सहभागिता रहने बताउनुभयो । सम्मेलनमा दुर्ई प्लेनरी सेसन, पाँच प्राविधिक सेसन तथा दुई प्यानल डिस्कसन सेसन हुने आयोजकले जनाएको छ ।
यो पनि पढ्नुहोस्
छानविन आयोगका प्रतिवेदन किन लुकाइन्छन् ?सम्मेलनमा विभिन्न अन्तर्राष्ट्रिय तथा राष्ट्रिय विज्ञबाट ३१ कार्यपत्र प्रस्तुत हुने र ती कार्यपत्र वर्षातको पानी संकलन र व्यवस्थापनका नीति, नियमन र संस्थागत ढाँचा, सन् २०३० सम्म सबैका लागि स्वच्छ खानेपानी आपूर्ति गर्ने दिगो विकास लक्ष्यका सन्दर्भमा वर्षातको पानीको उपयोगितालगायत विषयमा केन्द्रित रहने बताइएको छ ।
सम्मेलन आयोजना गर्न पूर्वमन्त्री गणेश साहको संयोजकत्वमा पाँच सदस्यीय सल्लाहकार समिति, स्मार्ट वासका अध्यक्ष ई. साहको अध्यक्षतामा आयोजक तथा व्यवस्थापन समिति र नेपाल विज्ञान तथा प्रविधि प्रज्ञा प्रतिष्ठान (नाष्ट)का पूर्वउपकुलपति डा. सुनिलबाबु श्रेष्ठको अध्यक्षतामा प्राविधिक समिति बनाइएको छ । स्मार्ट वास सोलुसन्स र नेदरल्याण्ड्स विकास नियोग संस्था (एसएनभी) ले खानेपानी तथा ढल व्यवस्थापन विभाग र नेपाल रेनवाटर हार्भेष्टिङ एलायन्सको समन्वयमा सम्मेलन आयोजना गर्न लागेका हुन् ।
सहआयोजकमा इन्टरनेसनल रेनवाटर हार्भेष्टिङ एलायन्स, वाटर एड नेपाल, नेपाल वाटर फर हेल्थ र डब्ल्युडब्ल्युएफ रहेका छन् भने युनिसेफ, विश्व स्वास्थ्य संगठन, नाष्ट, नगर विकास कोष, बायोग्यास सपोर्ट प्रोग्राम, हेल्भेटास नेपाल, नेपाल खुला विश्वविद्यालय, ग्लोबल पिस फाउण्डेसन, दियालो टेक्नोलोजिज, युथ एलायन्स इन्भायरोमेन्ट र बेष्ट पानीलगायत रहेका छन् । काठमाडौं घोषणापत्र जारी गर्दै मंगलबार सम्मेलन समापन हुने बताइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच