काठमाडौं । पाकिस्तान सुपर लिग (पीएसएल)को उपाधि इस्लामावाद युनाइटेडले जितेको छ । रोमाञ्चक खेलमा दुई विकेटको जित निकाल्दै इस्लामावादले उपाधि जितेको हो ।
सोमबार राति भएको खेलमा मोहमद रिजवानको टोली मुल्तान सुल्तानले पहिला ब्याटिङ गरेको थियो । रिजवानले टस जितेर ब्याटिङ रोजेका थिए ।
पहिले ब्याटिङ गरेको मुल्तानले २० ओभरमा ९ विकेट गुमाएर १५९ रन बनाएको थियो । जवाफमा इस्लामाबादको टोलीले अन्तिम बलमा १६३ रन बनाएर २ विकेटले खेल जित्यो । इस्लामावादका नायक हुनैन शाहले चौका प्रहार गर्दै टोलीलाई च्याम्पियन बनाएका हुन् ।
पहिले ब्याटिङ गरेको इफ्तिखार अहमद र उस्मान खानले मुल्तानलाई १ सय ५९ रनको संघर्षपूर्ण स्कोरमा पुर्याएका थिए । टोलीको १४ रनमा दुई ब्याट्सम्यान आउट भएका थिए । यसपछि उस्मान खानले ४० बलमा ५७ रनको समझदार इनिङ खेल्दै टोलीलाई केही हदसम्म सम्हालेका थिए । उनको इनिङ्समा ७ चौका र १ छक्का समावेश थियो । तर, अर्कोतर्फबाट विकेटको श्रृङ्खला लगातार झरेको थियो ।
इस्लामाबाद युनाइटेडको यो तेस्रो पीएसएल उपाधि हो । इस्लामाबादले २०१६ मा प्रतियोगिताको पहिलो उपाधि नै जितेको थियो । त्यसपछि सन् २०१८ मा पनि च्याम्पियन बनेको थियो । इस्लामाबाद तीनवटा पीएसएल ट्रफी जित्ने एक मात्र टोली हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच